Luckyboy : Garañky düşende kölegäñ hem terk eder....

 Özümiziňki
 Fantom [off]
 27.04.2025 / 08:02
 Iň uly baýlyk, bar zadyň bilen kanagatlanmakdyr.

Tomsuň jöwzasynda doglan,
Ýalyn-epgek boldum, kaka.
Ýeke-täk gyzyňdym owal,
Indi erkek boldum, kaka.

Ýolup bir goragsyz güli,
Nähak idendirler meni,
Sersag öýdendirler meni,
Ha-ha, tentek boldum, kaka.

Mejalsyza ysgyn geler,
Gam derdimden asgyn geler,
Merdem menden misgin geler,
Goýsaň telpek boldum, kaka.

Kime gitsem, derdi ýaman,
Bir men däl ekenim ýanan,
Lebiz etdiler ähti ýalan,
Ýaman erbet boldum, kaka.

Halym aňlan dünýämsiň sen,
Her zaryma gelýänsiň sen,
Diýmesem-de bilýänsiň sen,
Hakyt sen dek boldum, kaka.

SURAÝ BABANYÝAZOWA

Teswir ýazmak üçin Içeri giriň ýa-da Agza boluň →!