Sasiyona : Ellerinizde millionlyk telefon barka bir manatlyk adamlaryn janyna garasman#Sasiyona

 Özümiziňki
 Fantom [off]
 29.04.2025 / 17:08
 Iň uly baýlyk, bar zadyň bilen kanagatlanmakdyr.

Ak çagbada galan joram,
Nogta saçlaň ezildimi?
Kimsä ýaýabilmän derdiň,
Syr monjugyň üzüldimi?

Agzyň gyýanda gopuzyň,
Gaçyp galanda gotazyň,
Çola burçunda otagyň,
Gözýaşlaryň süzüldimi?

Ýap boýunda şeker igde,
Ýar ýolunda galdy dide,
Her kirpigiň aşyk ýigde,
Hanjar kimin gezeldimi?

Göwün ýumagyň çözläniň,
Sülmüräp ogryn gözläniň,
Pyşyrdap adyn sözläniň,
Maňlaýyňa ýazyldymy?

Gyzyl kürtäň – gyzyl çoguň,
Ýüze sylar ulus-ilim,
Dähedemläp başlan ýoluň,
Ömür ýolňa uzaldymy?

SURAÝ BABANYÝAZOWA

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!