zveezda : "Durmuşda herkim birini tapar, emma bir-biriňi tapmak örän az adama miýesser eder" _zveezda

 Özümiziňki
 Fantom [4m]
 30.04.2025 / 05:41
 Iň uly baýlyk, bar zadyň bilen kanagatlanmakdyr.

Sürseň-de dünýäniň zowky-sapasyn,
Tüweleýläp gelen ýeller iňňildär.
Ýalançy hiç kime bermez wepasyn,
Dag, sährasy bilen çöller iňňildär.

Ýigitlige çykyp, ýara ýetişseň,
Bir biwepa ýassykdaşa sataşsaň,
Ynamyňa odun bolup tutaşsaň,
O:t sönüp, ojakda küller iňňildär.

Ýetişen çagaňdan görmeseň hözir,
Hemaýata derek bolsalar azar,
Dünýäniň keýpinden bolarsyň bizar,
Daşyňdan seredip, iller iňňildär.

Yzaly – ýakyndan ýetişen derdiň,
Dogan gepin çekip, güzabyn gördüň,
Gardaşdan aýrylyp, ýegşerdi gerden,
Tabytly gidilen ýollar iňňildär.

Ädimiňi ölçäp, çykargyn hasap,
Heleý bol, erkek bol, ýörmezler tasap,
Gussalarmy jemläp, goşgujyk ýasap,
Galam titräp, dodak, diller iňňildär.

ary Aýnazarow_Söýgi Kelamy-2016

Teswir ýazmak üçin Içeri giriň ýa-da Agza boluň →!