Diamante_08 : Bize yeni düşmanlar lazım eskileri hayranımız oldu.

 Betinden
 Sebap [off]
 04.05.2025 / 12:04
 Lekum dinukum we liýe din

«…gowşapdyr gojanyň saly…»
Atajan Annaberdi

Adam bolup ýaşap ýöris dünýäde,
Çekip ýöris azabynam, derdinem.
Kaýyl gaýgy-gama, ähli bir zada,
Kerweniň ýüki dek dolýar gerdenem.

Şonda-da pişämiz ýaşamak bilen,
Dünýäniň mährinden doýup bilemzok.
Ömür geçip barýar lagşamak bilen,
Emma welin muňa ünsem beremzok.

Özümize uly -kiçi diýemzok,
Göwün bolsa bir kiçijek çaga deý.
Ene-ata bolanmyzam duýamzok,
Bolup ýörüs çagamyza aga deý.

Geçip barýaň seýilgähiň deňinden,
Ýüz-gözümiz ýaş ýigit dek gülüp dur.
Juwan gyzlar geçip barýar öňüňden,
Kelläň göçüp söz gatasyň gelip dur.

Utanda ur onsoň kelläňi daşa,
Öýdüp ýör ol, şo-ol ýigitlik döwrümiz.
Golaýlanam bolsa gartaşan ýaşa,
Soňky pursatdygyn duýmaz göwnümiz.

Garrylyk ýer aldy iki eginden,
Bu babatda pikir ýokdur seriňde.
Aýrylasyň gelmez aýnaň öňünden,
Depäňde saçyň ýok, darak eliňde.

Eýe bolduk agtyk söýme bagtyna,
Serimizde weli ýaşlyk döwrümiz.
«Ata» -diýip ýüzlenende agtyga
Gatyrganyp, gaty görýär göwnümiz.

Daňatar Galpakow

Teswir ýazmak üçin Içeri giriň ýa-da Agza boluň →!