Diamante_08 : Hesabını veremeyeceğin işlere kalkışma! Öbür tarafta bulaşık yıkatmıyorlar.#Diamante

 Gytyndan
 Sebap [off]
 06.05.2025 / 07:59
 Lekum dinukum we liýe din

Gözleriň gözüme düşüp durmasa,
Dünýäň başga baýlyk-bary gerek däl.
Ömrüm barlygyňdan lezzet almasa,
Onuň galan gylla ýary gerek däl.

Sesiň eşdilmese gaçýar kararym,
Sensiň söýüp, didarym deý aýanym!
Özüm munda, seň ýanyňda hyýalym,
Maňa aýralygyň sazy gerek däl.

Gursagyňda goýup uklaýyn başy,
Sensiz hasap etmen ýaşalan ýaşy.
Uçursam başyma gonan ak guşy,
Özge bilbilleriň zary gerek däl.

Sen ýetiş dadyma ýürek aglasa,
Ýalňyzlyk ataşy kalbym daglasa.
Nädeýin, seň yşkyň gözüm baglasa,
Sensiz didarymyň nury gerek däl.

Ömür dessanymyň soňky aýdymy,
Saňa söýgi syrym gözlem ýaýdymy?!
Eý, ýalňyzym, ýüregimiň söýdügi,
Maňa sensiz ömrüň özi gerek däl.

Dürnabat Aşyrowa

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!