Betow : 20 litirlik Maglaşkada her görene pyssaryandyr unutma

 Gytyndan
 Sebap [off]
 Şugün, 08:04
 Lekum dinukum we liýe din

Ýüregimi saňa goýup,
Gaýtdym, gözde zarym galdy.
Umydymy ýele sowrup,
Namys bilen arym galdy.

Özgäň bagty-özgäň ýary,
Kalbym dutar, sensiň tary.
Goýup munda intizary,
Baýlyk bilen barym galdy.

Boş göwre men, gury salgym,
Ýalňyzlykdan oda ýandym.
Ygtyýarym elden aldyň,
Göz ýaş dökdi, nurum galdy.

Ömür öýlä sandy gitdi,
Göwün gülüm tändi gitdi.
Yşkyň bahar-ýazy ötdi,
Günüm ýaşdy, Aýym galdy.

Sözüm bardyr aýdabilmen,
Ýürek galsa gaýdabilmen.
Özgäňkisiň öýdebilmen
Kalbymda kararym galdy…

Dürnabat Aşyrowa

Teswir ýazmak üçin Içeri giriň ýa-da Agza boluň →!