Orazjan : iýi dostu olan insanin, aýnaýa ihtiýaçi ýoktur. @ Mewlana

 Betinden
 Sebap [off]
 12.05.2025 / 21:51
 Lekum dinukum we liýe din

Aýy bulut ogurlapdyr bireýýäm,
Şondan başga göwündeşem görnenok.
“Ak şäherde ─ dogry aýdýarlar ─ bagt kän”,
Ýöne üşänimde üstüm örten ýok.

Diregsiz üzüm deý ýerde sersepil,
Duýgularym, size nebsim agyrýar.
Eje, häzir tamdyr çowlan eliňden,
Hawa, şol elleňden öpesim gelýär.

Sessiz aglaşarys, duýmaz özgeler,
Sesli gülüşeris, goý, duýsun hemme.
Soňra ugrat meni, gyzgynjak nany
Suwa basyp, tutdurdajyk elime.

Men bagtly bolaryn bar zatdan beter,
Mähribanlyk bilen ýylgyrşyň görüp.
Ýalňyzlyga çirkizlen şu gülkülem
Ýogsa halys etjek kalby çökerip.

Edil şu mahalam duýansyň derdim,
Syzlandyr ýüregňe barýan damaram.
Ejizlikdir öýdüp düşünme, käbäm,
Bagtsyzlykdan däl bu günki dilegim,
Ak şäheriň näçe diýseň bagty bar.

…Tümlük,
Çaklaňja gülçyram,
Kiçijik umyt,
Aýsyz gijäm küýsegime eltersiň.
Häzir birsalymdan gelip, eje jan,
Belki-de, düýşümde üstüm örtersiň.

Awtor: Maksatmyrat ÇARYÝEW

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!