xuliganka : Bee your own boss

 Gytyndan
 Sebap [off]
 Düýn, 22:54
 Lekum dinukum we liýe din

Sensiz bolmaz eken aýly gijeler,
Aýam öz nuruny saçyp dursa-da,
Wagt diýlen zadam zalym durmuşda,
Bize dözmän aýak çekip dursady.

Gyşyň gary ýaly doňsam-da käwagt,
Baharyň mylaýym şemaly bolup,
Birden ýüregimiň gapysyn kakyp,
Begendirseň, erärdim men gar bolup.

Güýzüň sarylygy ornap bedenme,
Kem-kemden umydym düşüp dur gaýyp,
Sensiz gül açmagam, sensiz güllemek,
Hamala meň üçin ullakan aýyp.

Görýäňmi, güýzüňem sessiz gijesi,
Ähli zat ýerinde: Aý hem ýyldyzlar,
Hasabym däl nesibäme ýazylan,
Ykbalymyň maňa çeken bijesi.

Durmuşyň meň üçin niýetlän güni,
Ynanýaryn, bagtym şadyýan guş deý,
Mährem owaz bilen aýdymyn aýdar,
Şol wagt yzda galar ykbalyň oýny.

Amangül Siýitmuhammedowa,
Türkmen oba hojalyk institutynyň talyby.

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!