Täze ýazan goşgularym...

Özümiziňki
Gerceknazar [off]

Düýn, 17:43
Kanagatly bende baýdyr soltandan

YLHAM

Ylham!
Bolduň dürli dertlerme melhem.
Ykbal böwedine ýykylan çagym.
Galamym-taýagym, galdyrýar şol dem,
Aglap, ak kagyzy gujaklaýaryn.

Ak kagyzyň ysy, jennetiň ysy,
Setirler ýüzünde suwa düşýärler.
Ýazyp ýetişmedik sözlermiň yzy,
Uzakdan naýynjar seredişýärler.

Hak seni bagş etdi gursagma guýup,
Berilen zady hem almaýarmykam?
Ýa-da "Her zadyň öz wagty bar" diýip,
Garaşyp, özümi aldaýarmykam?

Başyndan aýlaşyp gyzyl ýaglygyn,
Albasy alyna saljak bolýarlar.
Şahyryň şuglasy ruhy erkinlik,
Ony hem ömrümden aljak bolýarlar.

Ylham!
Ýüregimde açylan gül sen,
Sepindinler senden ýasap müşk baryn.
Sensiz uzak ýaşap bilmeýärin men,
Sen gutaran çagyň, menem gutaryn.

***

YNAM

Şu jaý garaşypdyr şeýle pursata,
Biziň barymyzy üýşürmek üçin.
Agym tutýar, diňläp tamyň owazyn,
Çyralar edýärler töwerekden syn.

Ýazan goşgularym okalýan eken,
Ony tanaýarlar özümden beter.
Atgarynja setirleriň içinden,
Her kimse gözleýän zadyny tapar.

Anyk şu pursaty gördüm düýşümde,
Ýazgyt ýazgylarma ýerlemän görsin.
Galam gürlemezmi ýürek joşanda?
Gürlemän görsin.

Ulalmadyk umytlarmy gögerdip,
Poeziýa ynandyrýar ynamlar.
Elin bulap gygyryşýar agaçlar:
-Ynanýarlar
-Guwanýarlar
-Ynanýas...

***

UTANJAŇLYK

Men saňa söýgümi aýdyp bilemok ,
Şeýlebir utanýan, çekinýän senden.
Aýtjak bolýan...
Wah, ýene-de bolanok,
Şeýle ýygralygma ökünýän çyndan.

Saňa "Söýýän" sözün aýdyp bilemok ,
Seni görenimde tutulýar dilim.
Sen gitdiň yzyňa gaýdyp geleňok,
Şondan soňra seni görmedim gülüm.

Şondan soňra seni gözledim telim,
Bagt gözlerme bakyp ýylgyryp gitdi.
Owadanlap ýazan söýgi hatlarym,
Kisämiň içinde ýyrtylyp gitdi.

Hatlar gowuşmady hak eýesine,
Ahyr uzaklaşyp gitdiň sen menden.
Men saňa söýgümi aýdyp bilemok ,
Şeýlebir utanýan, çekinýän senden.

Gerçeknazar Amannazarow.

Forum | UMUMY BÖLÜM | Şygyryýet dünýäsi

SÖZ MANYSY (Ykyrryk)

SÖZ MANYSY (Ykyrryk)

Ýaman aýal hakynda.

Setirler...

Döwür şeýle, döwür

Yssyköl ilim!

Yssyköl ilim!

Yssyköl ilim!

Döwür şeýle, döwür

Döwür şeýle, döwür