Dreamfull : Be the most important person in your life. You matter

 Gytyndan
 yurekdes [off]
 19.05.2025 / 22:13
 "Meñ ýűregim sowady indi gelme űşärsiñ"

DIŇE SEN

Kölegeler gündogara uzapdyr,
Basym aýyň kölgesinde galaryn.
Hiç kim duýmaz duýmaýanny hiç kimiň
Meniň munda dert içinde galanym.

Ygtyýarym yşka berdim – yryldym,
Urundym sowallaň girisinde kän.
Saňa barýan ýollaň başlanýan ýeri
Ömür kitabymyň niresindekä?
Bilmedim,
Bilenim özüňe aýan.
Ýagtylt yşkyň bilen ýüregmiň törün.
Belki menden garaşýansyň köp zada,
A men bedenime duwlanyp ýörün.

Giňligime darygardan ejiz men,
Tamakin däl dünýe atly telbeden.
Derdim belli: öwrenişmek kyn maňa,
Del bir dünýä.
Del adamlar.
Del beden.

Kölegeler gündogara uzapdyr,
Basym Aýyň kölgesinde galaryn,
Hiç kim duýmasa-da, bir sen duýarsyň
Meniň munda dert içinde galanym.

Mukam Muhamow

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!