Ayjahan : Hiçkime 2 gezek ynanmaň, sebäbi 1kitapy 2ji sapar okasanda yene öňkisi yaly gutarar...

Premium
 Sebap [18s]
 20.05.2025 / 08:54
 Lekum dinukum we liýe din

Bu gije nämüçin ýatyp bilemok,
Oýlanyp geçirýan uzak gijäni.
Syrly garaýşyňam maňa düşnüksiz,
Ýa galdyran bolaýmaýyn bijämi?

Daş çykýaryn haraý isläp asmandan,
Şemal alyp gidýär gursakdan gamy.
Eşidilýär gulagyma ýeriň üstünden,
Uzakda ýaňlanýan dostlaň aýdymy.

Näçe diňleseň-de bu adamlary,
Seň syrly garaýşyň çykanok ýatdan.
Gursagyňda gor hem bolsa,ezizim.
Guý gujagyma, heder etme hiç zatdan!

Guý gujagyma, juwan göwün syrdaşym,
Düşün ahyr, geçip barýar ömrümiz.
Ýürekde syr gizläp birek-birekden,
Unudýzrys ajaýyp ýaşamany biz.

Şoň üçin gijeler ýatyp bilemok,
Jahanda bar zatdan basylýar susum.
Kyn bolýar ýaşamak ýagty dünýäde,
Senden syr gizlese iň ýakyn dostuň.

Annasoltan Kekilowa

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!