Içeri gir Agza bol

Yurekdesh.ru сайтын андроид программасы
Ýürekdeş sözler!
HAKYKAT : Gorkyanmy etme-Etdinmi gorkma!

Forum | UMUMY BÖLÜM | Şygyryýet dünýäsi

ÖMÜRJIK / hekaýamtyk
 Gytyndan
 Pegas [off]
 21.05.2025 / 00:01
 “Her setirim ruhumdaky ýaramdyr...”

...Hemişekilerinden ir oýandy. Töweregi üçin, ony tanaýanlar üçin geňlikdi. Ol bu gün gerinmedi hem. Toýa, özem öz toýuna taýynlyk görýän ýalydy bolşy. Hemişe bulam-bujar edip turup gidýärdi, a bu gün emaý bilen, usullyk bilen, juda tertiplilik bilen ýorgan-düşegini ýygnady. Indi bir aýdyr, ýatanda gapdalynda saklaýan gülgüne gyz ýaglygyny üýtgeşik bir mähir bilen sypady. Birenaýy ýylgyrdy. Bu ýylgyryşda kän-kän ýatlamalaryň, kän-kän arzuw-hyýallaryň ýatandygyny bilmek üçin oňa azajyk beletlilik ýeterlikdi. Beýleräginde ýatan portfelini eline aldy. Ony açyp, kimdir birleriniň suratlaryny çykardy. Gözüniň alnynda, ine, birnäçe adamyň keşbi dur suratlara siňen. Her suraty eline alanda ýüzünde üp-üýtgeşik duýgular peýda boldy. Hem ýylgyrdy, hem bozuldy. Içinde, ho-ol içiniň bir künjeginde düşündirip bolmaýan titremeler döredi. Galpyldady... Birdenem hasyr-husur suratlary ýygnady-da, adaty däl hereketleri bilen mübtela boldy. Otagyndaky çalam-çaş bolup ýatan eşiklerini tertipläp başlady. Asgyçdan asmalylaryny asdy, epläp goýmalylaryny epledi. Ýöne, näme üçindir, ýuwmalylaryna, ütüklemelilerine üns bermedi. Olary hem edil bolmaly ýerlerindäki ýaly ýerlerde ýerleşdirdi. Eline bir ýazylyp gutarylmadyk ýandepderçäni aldy. Agdaryşdyrdy. Käbir sahypalarda ýylgyrdy, käbir sahypalarynda azajyk gussa batdy. Ony hem emaý bilen ýerinde goýdy-da, portfelindäki suratlara ýene elini uzatdy, özem bialaç... Otagyndaky işlerini tamamladym etdi-de, aşaky gata düşdi, maşgalasyndakylaryň öýde bolanlary bilen salamlaşdy, özem adaty däl duýgy bilen. Öýde dällerine hem gaýybana salam berdi, salam aldy...
Hammama girdi. Ömrüne namaz okamadyk, şonuň üçin täret hem almadyk halyna, bir kemini goýman täret aldy...
Ertirlik naharyny edinmedi. Iň gowy görýän eşiklerini geýdi: iň gowy görýän köýnegini, penjegini geýdi, iň gowy görýän galstugyny dakyndy. Atyr sepindi. Birkemsiz taýyn boldy köpe çykmaga. Çykdy. Ýürekdeşdir öýdýänleriniň ýanyna bardy, adaty gümür-ýamyr etdi. Ýöne hoşlaşanynda welin, üýtgeşik bir duýgular bilen hoşlaşdy. Gün öýle boldy. Hemişeki gelýän naharhanasyna geldi. Ýene, adatdakylar ýaly, nahar iýmedi, kofe içdi, köp içdi. Heziller edip çilim çekdi. Iňrik garaldy. Öýlerine gelip, agşamlyk naharyny iýdi ýakynlarynyň KÄBIRI bilen. Öz otagyna geçdi. Iň bir tämiz eşiklerini geýdi we birnäçe wagtdan bäri peýläp ýören ýerine ugrady...

...Ertesi ony iň bir gowy sözler, ýatlamalar bilen soňky ýoluna ugratdylar. Şeýdibem birnäçe Arzuwlar, Umytlar, Hyýallar eýesiz galdy...


©Sapa HOMMADOW

91
22
5
9
0
0
1
Teswirler:
 Premium
 Sebap [off]
  Lekum dinukum we liýe din
 21.05.2025 / 00:11

+1

öldümi indi ojagaz

 Gerekli
 Sasiyona [off]
  Bizimde yukumuz ağirdi ama kimseye geltaşı demedik
 21.05.2025 / 05:35

+1

Gaty gynancly eken

 Özümiziňki
 Gulmahrem [off]
 21.05.2025 / 08:33

+1

Bäh, pahyrjyk. Gynanaýdym. Şu şahyram oturyp-oturyp bir zat tapaýýar.

 Premium
 rexha [off]
  Gitmerin diýenleriň köpüsi bilen sagbollaşdyk👋🧸
 21.05.2025 / 09:41

+0

Hyýallar eyesiz galdy...

 Täzeje
 Boniya [off]
 21.05.2025 / 13:47

+1

okuwçy wagtym, menem şeýleräjik sustypes hekaýa ýazypdym welin , mugallym şu hekaýalar adamlaryň içindäki duýgularyny bildirýärler yagny hekaýa şol pursatdaky adamyň psiholiki ýagdaýyny aňladyp bilýär diyipdi

Premium
Sebap  (21.05.2025 / 16:54) 

Boniya, pshologlaram diýýär şonyna

Teswir ýazmak üçin Içeri giriň ýa-da Agza boluň →!

Soňky teswirler

Arwahyň ar alýan gijesi 1-nji bolüm


Men minus basjakdym. Ön goylup goylup lenc edilen eser bolany ucin. Yone Fantom aga yaly okamadyklar bar eken....dowamy...
Erkin mowzuklar | Arwahyň ar alýan gijesi 1-nji bolüm
Belki (Şugün, 07:53)

Arwahyň ar alýan gijesi 1-nji bolüm


Sag bol yetirip dur gaty gyzykly yzy !!!! Nache okasamda doyomok bir plus gitdi...dowamy...
Erkin mowzuklar | Arwahyň ar alýan gijesi 1-nji bolüm
Tukel (Şugün, 06:22)

Arwahyň ar alýan gijesi 1-nji bolüm


gowy. emma diňe öýiň özi bar, daş töwerek aýdylanok. waka nirede geçýäni bilinse has gyzykly boljak. gramatika taýdanam gaty gowy. meňä pragramm...dowamy...
Erkin mowzuklar | Arwahyň ar alýan gijesi 1-nji bolüm
Fantom (Şugün, 05:32)

Arwahyň ar alýan gijesi 1-nji bolüm


Dogamyy bar...dowamy...
Erkin mowzuklar | Arwahyň ar alýan gijesi 1-nji bolüm
Ayjahan (Şugün, 00:24)

Meniň öýüm Daşoguzda...


Imo grupbamyz bar gosgy yazmakdan yaryslar gurnayas pikir alysyas. Gosulasynyz gelse su yere idinizi yazayyn....dowamy...
Şygyryýet dünýäsi | Meniň öýüm Daşoguzda...
Belki (Düýn, 22:19)

KESMEÝÄN GYLYÇ


hm, başyny okamda mango myka diýdim, emma töre han münbere çykyp okap bersede boljak ekeni....dowamy...
Erkin mowzuklar | KESMEÝÄN GYLYÇ
Fantom (Düýn, 19:44)

Owadan yazuw basleșik


äý, menä häzir emeli aňa çekdirýän... ))...dowamy...
Oýunlar, testler we soraglar | Owadan yazuw basleșik
Fantom (Düýn, 19:01)

Meniň öýüm Daşoguzda...


Berekella! anha goşgyň gowylygyny alan like bahalaň aýtýar. köpden bäri gabat gelmedim şunça like alana! üssünnikler!...dowamy...
Şygyryýet dünýäsi | Meniň öýüm Daşoguzda...
Fantom (Düýn, 18:53)

Owadan yazuw basleșik


Ile menzesh yazuwmyzam yok gatnasayly diysek...dowamy...
Oýunlar, testler we soraglar | Owadan yazuw basleșik
Olya (Düýn, 18:01)

KESMEÝÄN GYLYÇ


Sun yazan islendik eserini okanymda dalini dinlap oturan yaly duyyan ozumi....dowamy...
Erkin mowzuklar | KESMEÝÄN GYLYÇ
Belki (Düýn, 16:42)
Ähli hukuklar goralan!
© Yurekdesh.Ru 2017-2024
By Ezbereller Community
Яндекс.Метрика