Öwreniji Muawiye [off] (01.01.1970 / 05:00)

Ýalňyşmasam şol gelni linkde gördüň öýdýän, menem görüpdim hatda şkrinşot edip galypdym, dur şuwagtam.) Ol şeýle ýazypdyr:

"Yslamda erkekler hemişe uludyr, olar elmydama bizden bir ädim öňde... Biz zenanlar şonuň üçin erkeklerimize amanat. Erkekleriň telefonyny barlamaň, goýuň edenini etsin. Allaň öňünde özi jogap berýär. Kyýamatda saňa ilkinji nobatda beriljek sorag äriňi razy etdiňmi bolýar. Ärimiziň telefonyny çatsak biderek uruş edýäris berekedi gaçyrýar"

Doly ýazmadym, ýöne şu garaýyşda ýazypdyr. Bu gelni şol ýerde bir masgaraladylar, agyr görnüşde tankytladylar. Üstesine imoda-da paýlaşyp, tankytladylar. Sebäbi çyndanam aýdýan zatlary bellibir derejede aýallary pes görkezýärdi. Dini logika görä hereket etjek bolsaň, erkege 4 aýal, ondan daşary 1000 sany gyrnak alsa-da oňa halal. Şonuň bilenem çäklenmän 1001 sany aljak bolýan bolsa, şonda bir aýalam bir gezejik "ýetmedimi indi" diýse, şol aýal kapyrdyr...
Şuwagtky döwrüň haýsy aýal-gyzlary muny kabul eder? Hatda musulman bir zenanam hem kabul etmez. Diýjek bolýanym, biz dünýewi bir döwletde, erkin bir döwürde ýaşaýarys we şoňa görä ýaşamak gerek. Dogrymy aýtsam, eger äri bir gezek ikilik edip, soňam gaty uly puşmanlyk duýsa, eden zadyna ökünip, aýalyna söz berse we gaýdyp etmese, onda aýaly (islegine görä) bagyşlap biler. Ýöne şeýle zat bar; Bir eden kişi, köplenç ikinji gezegem edýär. Howply ýeri şu ýerde başlaýar. Eger ýokardaky zenanyň düşünjesinde bolsalar, erkekler şeýlebir rahat hereket eder welin ikilik etmeýän erkek galmaz. Aýallary hem diňe erkekleriniň yzyny süpürip ýörýän, ol daşarda lezzetini kanagatlandyryp ýörkä aýaly goýun ýaljak öýünde garaşyp oturan bir ulgam dörär we jemgyýet hem dargar. Üns beren bolsaňyz ýokardaky gelin "edenini etsin" diýýändir. Şol ýerdenem aýallara ýekeje-de hormatynyň ýokdugyny görse bolýar. Ýagny erkekler edenini etmeli, ähli ahlaksyzlygy edip bilerler, ýöne aýal hemmesine zat diýmän, goýun ýaljak oturmaly, gerek bolsa olam bermeli. Ýöne aýal şolaryň diňe birini edäýse welin...

Ynsanlary, ynsan neslini, maşgalany, taýpany, jemgyýeti birleşdirip saklaýan zat söýgüdir, söýgi bolmasa ynsanlyk ýekeje günem bar bolup bilmeýär.

Gep, çagalar babatynda bolanda-da şeýle. Eger erkek diňe ikilik edip ýören bolsa, aýaly nikadan razy däl bolsa, umuman ahlaksyzlyk maşgalany basyp alan bolsa, ol maşgala-da ýetişen çaga hem sagdyn pikirli çaga bolup ýetişmeýär, gaýta siz çaga iň uly zyýany berýäňiz.

Gaty uly gürrüň. Imoda-da birtopar zat aýdyp-ýazypdyrlar. Ulaldyp oturmaly däl, şeýle-de link programmasyndaky gyz-gelinleriň agalabasynyň ömründe bir gezegem kitap gatyny açmadyk adamlardygyny bilýäris, ýokardaky ýaly adamlaryň bolmagy adaty zat. Gepiň keltesi bir gezek etse, ondanam puşman bolsa, gaýdyp etmese, onda bagyşlanyp bilner (men aýal bolsadym bagyşlardym).