DANALARDAN | YekeTak.Ru

Yurekdesh.ru saýtynyñ android programmasy
Yeketak.ru - ýenede siz bilen

Ýürekdeş sözler!

Söýseñ işiñ ýaryny bitirdigiñ...

Forum | GÜRRÜŇDEŞLIK | Erkin mowzuklar

DANALARDAN

Gytyndan
Adminka [off]

28.03.2024 / 07:03
#Pubg🫀🔫))ganymda záher bolsoñom dìne seni soyjek

Jelaleddin Rumy

Älemi ýaratmak üçin alty gün ýeterlik bolan bolsa, adamy döretmäge kyrk ýyl sarp edilipdir.

***

Zäher ýylanyň özi üçin ýaşaýyş, adam üçin welin ajal.

***

Täze zat gurmak üçin könäni ýykmaly, dänäni üwemän, nädip nan ýapjak?

***

Bulut aglamasa, ene ýer gülmez.

Bala aglamasa, eneler bilmez.

***

Her kim etjek işin oýlansa owal,

Ahyrda şermende bolmaz hiç mahal.

Alyşir Nowaýy

Rehim-şepagatsyz kişini adam saýmak ýalňyş bolar. Olar jansyz göwre ýalydyr.

***

Kyn işleriň köpüsiniň çözgüdi sabyr-takat arkaly tapylýar.

***

Başarjaň adamy gözden salmak adalatsyzlykdyr, başarnygy ýoga jan çekmek gury azapdyr.

***

Bilmedigini sorap öwrenen-alym,

Soramagy namys eden-özüne zalym.

***

Az-azdan öwrenen adam dana, katra-katradan ýygnanan suw köl bolýar.

***

Sözüniň eýesi däl, agyp-dönüp duran ygrarsyz adamlardan wepaly it ýagşy görülýär.

Abdyrahman Jamy

Hünäre ten beren kişi danadyr,

Baýlyga ten berenler bigänedir.

***

Eger ýalňyz bolsaň, hemdem kitapdyr,

Ylym äleminde nur hem kitapdyr.

***

Miwesiz şahalaň başlary dikdir,

Miweli şahalaň başy egikdir.

***

Ussat mugallymsyz galaýsa zaman,

Nadanlyk derdinden garalar jahan.

***

Horlukdan gutulmaz egrileň başy,

Dogrulykdyr mydam dogryň ýoldaşy.

***

Dogryňy diý, dogryny gör, dogry ýör,

Dogry geple, dogry eşit, dogry tur.