BAYOGUL : GÜLE KÖP SUW BERSEN GURAÝA ADAMA ARTYKMAÇ HORMAT DOYSAŇ ÜÝTGEÝA //BAÝOGUL.

 Gerekli
 I_miss_you [off]
 15.04.2024 / 17:08
 Sylag hemme kişä,söýgi laýyk bolana!!!

Ýeñsänden ýel kakyp geçer,

Kakañ başyñ sypamasa .

Ýöräp barýan ýollañ öçer,

Kakañ başyñ sypamasa.

*****

Durmuş saýlar öz merdini,

Başa täç etmez her kimi.

Iller götermez derdiñi,

Kakañ başyñ sypamasa.

*****

Gûnem gizlär ýagtysyny,

Hiç kim bermez artygyny,

Ykbal çalar şarpygyny,

Kakañ başyñ sypamasa.

*****

Ýitirip baýlyk sarpasyn,

Ah, seni kimler ýalkasyn?!

Özüñ-özüñe arkasyñ,

Kakañ başyñ sypamasa.

*****

Çözüşmez hiç kim ýumagyñ

Ýamanlar bolmaz ýamagyñ,

Dolup durar aç damagyñ,

Kakañ başyñ sypamasa.

Kerim Hally.

Teswir ýazmak üçin Içeri giriň ýa-da Agza boluň →!