Täzeje
 Dreamfull [off]
 16.04.2024 / 19:16

Ýanwar, fewral... alyp gitdi bahary,
Tomus däl, güýz geldi gözleri nemli.
Bir ýakymsyz zady syzýar ýüregim,
Gyş hem uzakda däl bolara çemli.

Dünýä birden görkden gaçdy, garrady,
Güli soldy, galdy diňe tikeni.
Biziň dünýä diýip ýören zadymyz,
Asla seniň birje sözüň ekeni!

Ajaýyp ýylgyrşyň rowa görmän,
Iň ajy söz sowgat berdiň sen maňa.
Indi aýdym agy bolup eşdilýär,
Bilbiliň owazy batyrýar gama.

Awtory - Tirkeş Sadykow

Teswir ýazmak üçin Içeri giriň ýa-da Agza boluň →!