Premium Belki [off] 21.04.2024 / 21:55 Goý, bu güýzler hiç geçmesin, geçmesin!
Bir gyzyñ gündeliginden
06.04.2023.
Oña sataşdym...
...Halaýan filmimi internetden alyp bermegi üçin dükanyna sowlupdym. Witrinalarda dürli filmleriñ, seriallaryñ, aýdymlaryñ diskleri emaý bilen ýerleşdirilendi. Dükanyñ içi boşdy. Eýläme-beýläme üns bilen garandym. Aý, nesibe däldir diýip ugramakçy boldum. Iñ soñky umyt, gapyñ agzyndaky ulagda oturan ýaş ýigit suduryna ümledim. Bularda adam ýokmuka? "Men satyjy!" diýýän terzde ardynjyrady. Ulagdan düşdi, dükana girdi.
Göreçlerine, ýüzüne gözüm düşeninde ýyldyrym çakdy. Bu neneñsi görmegeýlik! Biperwaý görünmäge synanyşdym.
-- Maña bir film gerek.
-- Nähili film?
Adyny aýtdym.
Filmi ýüklemegine garaşmaly boldy. Ondan-mundan söhbet etdik. Ýylgyryp gepleýärdi. Ýylgyranynda ýüregimde nähilidir harasatlar gopýardy. Üns bermejek bolýardym.
Bir gyz gelip serialyñ soñky bölümini sorady. Häzir ýokdugyny, indi ýükleýändigini aýtdy. Gabandym.
08.04.2023. 07:30
Jorama ol hakda gürrüñ berdim. Görmegeýligini. Ýylgyrşyndaky sadalygy, özüne çekijiligi.
--Ol saña seretmedimi? diýdi.
Seretdi. Kärim bilen gyzyklandy. Bar bolany. Umytlanara sebäp ýok! Ýylgyrşyndan başga. Goýaý-da, müşderä güler ýüz bermek haçandan bäri halamak boldy?! Beýleki gyzlara-da şeýdip ýylgyrýarmydy? Olaram bu dükändan çykanlarynda buludyñ üstünden ýöreýän ýaly ýeñil gopýarmydylar?! Gabanjañlygyñ işimi görenligi çürt-kesik.
08.04.2023.. 22:35.
Ýylgyrşy kellämden çykanok. Ýogsa, öñ ýatlamokdym. Gürrüñ berenimden soñ şeýle boldy. Bu hakda hiç kime aýtmaly däl. Meñ syrym. Ýatlamalam däl. Göremde ýüregimdäkileri daşymdan aýdarynmy-näderinmi?
12.04.2023.
Haýsydyr bir ummanyñ düýbünde ýaly ruhym. Çykjak bolýar çabalanýar...Başaranok. Ummanyñ ýokarsynda bir sudur görünýär...Tanyş sudur...Sada ýylgyryş...
15.04.2023
Päklik diýlende näme ýada düşüp biler?
Ýañy doglan bäbejik...
Ak saçly ene...
Meñ bolsa şol oglanyñ ýylgyrşy ýadyma düşýär.
Kir-kimirsiz
Añyrsynda hiç hili ýasamalyk bolmadyk...
17.04.2023.
Işdeşim gaýta-gaýta soraýar. Şol film geçirip berýän dükana barjakmydym?
Barmalydym. Aýda bir gezek iñ halaýan filmlerimiñ adyny jemläp, oña alyp bermegini haýyş etjekdim. Entek özüme goýan möhletim dolmandy. Ony görmegiñ mende endik bolaryndan elheder alýardym...
Melek adynyn dakylmagyny men känbir dogry hasaplamok (öz pikirim öz garaýşymdyr belki dogry gelýandir belki gelýän daldir ýöne meň pikirimde däl)...dowamy...
Içeri gir
Agza bol
Premium
Belki [off]
Täzeje
Gytyndan
Betinden
dogry
Forum 
Agzalar 
Dükan 
Albom 
Top Agzalar 
(
) -deş sözler 
Çykmak 