MEGAFON : gyza geler 40-kishi alar gider bir kishi

Premium
 BAYOGUL [on]
 23.04.2024 / 08:16
 Yurekdesh.ru

20.10.2023 ý. sagat 15:15
Işden öýe wagtyndan irräk gaýtdym. Gelibem "baryp ederin" diýip gaýdan işlemi edişdirdim. Entek öýde menden başga adam ýoklugy üçin markede-de özüm gitmeli boldum. Munuñ üçin golaýymdaky markedi saýlamadym-da, öýümden daşyrakdaky markede gitmegi ýüregime düwdüm.
Sagat 17:10 Deñimde saklanan taksä münüp ugranymdan ýañlanýan mylaým zenan sesi diýseñ tanyşdy.
Berýän gürrüñi hem tanyşdy. Añymda dörãn: "Beh, öz-ä tanyş ses, taryhyny gürrüñ berýan goşgusam gaty tanyş" diýip bilesigeljiligime jogap agtarýarkam, ol zenan sesine has ýakymly owaz çaýyp goşgy okap başlady. Goşgy-da tanyşdy. Emma sesiñ kimdigini hiç ýadyma salyp bilmedim.
Taksistden: "Bagyşlañ, bu haýsy şahyrdy?" diýenimde ol: "Ogultäç Oraztaganowa, gowy görýan şahyrymyñ biri, söhbetdeşlik bolupdyr..." diýip şahyrlar bilen içgin gyzyklanýanyny, esasam şahyrlardan Aýgül Garaýewanyñ döredijiliginiñ haýranydygyny joşup gürrüñ berdi.
Men ýylgyryp diñläp oturşyma hem taksisti hem söhbetdeşligi diñlejek bolýardym. Alyp baryjynyñ" Ogultäç gelneje.. " diyip beren sowalyna: şahyryñ "Hawa Goçmyrat..." diýip gürrüñini dowam etdirmegi bilen söhbetdeşligi alyp barýanyñ Goçmyrat Orazberdiýewdigini çakladym. Şol aralykda: taksistiñ: "näme üçindir zenan şahyrlaryñ döredijiligi has näzik hem has ýürekden, ýene Gülşirin Hanowa diyibem biri bolmaly, alçak, joşgunly okayar goşgusyny, başga-da gowy ýazýanlar bar... " diýen sözlerinem tassyklap ýetişdim.
Şeýdip düşmeli ýerime nädip gelenimem bilmedim.
Markede girip almaly zatlarymy alyp ýörkämem, öýe gelemsoñam şahyrlar baradaky ajaýyp duýgular, Karkaraejekäniñ mylaýym sesi ýadymdan, gulagymdan gitmedi. Karkaraejeke bilen birnäçe sapar telefonda gürleşenem bolsam şol wagt onuñ sesini hiç hili ýadyma salyp bilmedigim, goşgusynam, gürrüñinem näçe tanyş görsemem tanap bilmedigime özümden "utandym".
Ýöne il içinde şol taksist ýaly Zenan şahyrlaryñ nurana döredijiligine, duýguly dünýãniñ meleklerine hormat goýýan ynsanlaryñ bardygyna begendim.

Teswir ýazmak üçin Içeri giriň ýa-da Agza boluň →!