Premium
 Belki [off]
 25.04.2024 / 17:34
 Kupa kızı, sinek valesi ❤️

Ullakan ädimler,
Bagt şaýoluna
Ilkinjiler,
Ýeke-täkler,
"Seni söýýän"
ümsüm pyşyrdamalar,
söýgiden hem
tutuş dünýämiz gurşan
bagtdan ýaña melul bolup,
Göz süzmek
Romantika!
Ilkinji jägildi,
ýörjen-ýörjenler,
"Senem şeýlemidiñ?"
habar gatmalar,
Bir-birege bakyp
Ýylgyryşmalar,
Öýüñ aladasyn
gerdende çekip
Barybir ýene-de bir-birimizi
Göremizde çäksiz ynjalyklanmak,
Körpämize diş çykanda begenmek,
Ulymyzy öýlendirmek il deñi,
Soñra hasa,
Bilimizde agyry,
Gan basyşy peseldýänje dermany
"Wagtynda iç" diýip alada galmak
Çaý süzüp dyzba-dyz,
Bagtly geçmişi
Ýatlap rahat halda,
demi dürsemek...
Ikimize garaşýar.

25.04.2024 ý.

Teswir ýazmak üçin Içeri giriň ýa-da Agza boluň →!