Gara dasdan ayrylsa | YekeTak.Ru

Yurekdesh.ru сайтын андроид программасы
Yeketak.ru - ýenede siz bilen

Ýürekdeş sözler!

Durmusxymda biri yok, birinde durmusxym bar. #Xuliganka

Forum | UMUMY BÖLÜM | Şygyryýet dünýäsi

Gara dasdan ayrylsa

Özümiziňki
Aydymcy_Jemile [off]

26.04.2024 / 18:51
♡Balkanlyja gozel gyzy♡♡ Söýmesin hiç kim ♡

Gara daşly, seri duman bu daglar,
Toprak bolar, gara daşdan aýrylsa.
Sil bolar, agdarlyp akar bulaglar,
Çille dolup, garlar gyşdan aýrylsa.

Dünýäde bir gowga uzakdan bolar,
Göz gowasy gandan, bak ýaşdan dolar,
Gurhan görmeý gezen pirler aç galar,
Ili undup, seri peşden aýrylsa.

Çoh diýer men: dünýä galdy ýamana,
Rehim etmez boldy, gör, musulmana,
Laçynlar pel-pelläp galar asmana,
Haram ölen porsy läşden aýrylsa.

Zynahor sylamaz ilin-ýurduny,
Gaýra teser, görse äriň merdini,
Adam ogly diýe bilmez derdini,
Ýürek ýanyp, çeşmi ýaşdan aýrylsa.

Namart juwanparaz haly zebundyr,
Merdi görse ýyglar, gözleri hundur,
Dosty garyp düşse, mertler mejnundyr,
Namart dost istemez aşdan aýrylsa.

Ýurt derdine gider ilde merdanlar,
Namart gaçyp barar, bakyň, ýaranlar,
Mal diýip, ýurt gezer bahyl-nadanlar,
Gussa batar gözel düýşden aýrylsa.

Namart – zenan gepde hiç durky bolmaz,
Wezirler nadandyr, bir erki bolmaz,
Güler ýüzli ýaryň hiç görki bolmaz,
Syýa zülp, gara göz, gaşdan aýrylsa.

Bezirgenler mydam ýola bil baglar,
Nadan ötse yrak, giden il çaglar,
Magtymguly, Haky ýatlar, gan aglar,
Şa, gedalar akyl-huşdan aýrylsa.