Öwreniji Prenses [off] 29.04.2024 / 19:04 Her sey bitermis zamanla :(
Siziň bilen bilelikde ýörite bir syýahata çykalyň. Bu syýahatymyzda üstünlik gazanan adamlaryň syrlaryny hem-de üstünlige barýan ýollardaky päsgelçilikleri nädip ýeňip geçmelidigi barada öwreneris.
Durmuşyňyzda işleriňiziň şowsuz bolmagy mümkin. Belki-de, üstünlik bilen araňyzda päsgelçiliklerden örülen, ýeňip geçmesi kyn ýaly görünýän bir diwar bolmagy mümkin. Bu syýahatymyzda siz bilen bilelikde ol päsgelçilikleri ýeňip geçmek üçin ajaýyp bir ýol kartasyny edineris. Ýöne men siziň bu kitapdaky ýazylanlar bilen çäklenmegiňizi islämok. Siz hem öz hekaýalaryňyzy ýazmaly, oturmagyň we synlamagyň ýerine hereket etmelisiňiz. Arzuwlaryňyzy amala aşyrmagyň wagty gelmedimi?!
Onda nämä garaşýarsyňyz? Üstünlik bilen siziň araňyzda duran ullakan päsgelçilik gorkularyňyz hem-de garaýyşlaryňyzdyr. Gorkularyňyzyň garşysyna ýöräniňizde, olaryň hem sizden gorkýandygyna göz ýetirersiňiz. «Başaramok», «edip bilemok» ýaly manysyz ýazgylary durmuşyňyzdan aýyrmagyň wagty gelmedimi?!
Eger jogabyňyz «hawa» bolsa, onda geliň syýahatymyza başlalyň...
Birinji bölüm
Her kim siziň duş gelýän tupanlaryňyz bilen däl-de, gämini kenara getirip-getirmändigiňiz bilen gyzyklanýar.
Käte geçmişimi küýseýän, bu bolsa şu günki günüme gaty agyr degýär. Geçmişde ýaşamagyň manysy ýok bilýärin. Sebäbi onuň ady geçmiş. Bu gün hem geçer we «bu gün» diýen günümize sähel wagtdan «geçmiş» diýeris. Bu hakykaty özüme ýatlatmak şu günümiň has owadan we manyly bolmagyna sebäp bolýar. Geçmişdäki ýalňyşlyklarymy şol güne dolanyp düzedip bilmerin, bu mümkinem däl. Olary ökünip, aglap hem unudyp bilmerin. Men geçmişimi diňe şu günüm bilen düzedip bilerin. Durmuşda her bir zadyň başlangyjy birem ahyry bardyr, diýmek, tamamlanan ähli zatlar ahyr däl-de, diňe netijedir! Hiç bir zat gutaranok, diňe öz çäginde tamamlanýar. Güýjümiziň ýeten ýerine çenli. Galany Ýaradanyň takdyrydyr.
Dowamy bar...
145
17
3
8
0
0
1
Teswirler:
Öwreniji Prenses [off] Her sey bitermis zamanla :( 29.04.2024 / 19:06
+0
Okap gormegiñizi maslahat beryan agzalar. Gaty gowy.
Halasanyz like basyñ
Içeri gir
Agza bol
Öwreniji
Gytyndan
Gytyndan
Forum 
Agzalar 
Dükan 
Albom 
Top Agzalar 
(
) -deş sözler 
Çykmak 
...