Kerim Gurbannepesow - Wesýetler boýunça...

Täzeje
orazovaa [off]

06.05.2024 / 00:06

Çagakak "Aglamak utanç!" diýdiler
Jahylkak "Aldamak utanç!" diýdiler
Şeýdip endik etdik aglmazlyga,
Şeýdip endik etdik aldamazlyga.
Diýdiler "Köplükde gägirmek aýyp"
Diýdiler " Köçede sygyrmak aýyp"
Diýdiler " Meýlisde geçmänkäň töre
Hakyň barmy? Törüňden özünden sora"

Ýene-de diýdiler " Ulalyp ýaşyň
Garaja gyl bilen basyrlar döşüň"
"Döşüňde bitýänçä şol gyl-diýdiler
Günäňi geçerler ogul!" diýdiler.
"Döşüňe bitensoň şol gyl" diýdiler
"Döşüňe mynasyp bolgul!" diýdiler

Diýdiler "Dünýâde nâmedir gyt zat?"
Üç gezek diýdiler "Ussat, ussat, ussat!"
"Näçe gyt bolsada ussat -diýdiler
Çyn şâgirt ondanam gyt zat" diýdiler
"Öwrenip ilkinji harpy - diýdiler
Gomalar şägirdiň galpy!" diýdiler
"Galp şägirtden boluň hüşgär"
"Emer-de emjegňi dişlär!" diýdiler
Ýene-de diýdiler "Ulamy-kiçä,
Öljegňi bilseň-de ýalbarma kişä"

"Diňe bir adama ýalbar!" - diýdiler
Onuňam adyna dilber diýdiler
"Aýyp däl näzini çekmek -diýdiler
Näzden ýüzün sowan - akmak!" Diýdiler

"Ýene iki merde ýalbarmak bolar
Diýdiler - ene hem atadyr olar"
"Ataňa ýalbarsaň - galkynar ruhuň"
"Eneňe ýalbarsaň -kemeler ahy"
"Kim etse şolara tagzym - diýdiler
İşi rowaç, ýaşy uzyn!" diýdiler

Ýene kän edepleň tutdular adyn
Diýdiler " Gabanma iliň söhratyn"
"Gabanma zehinliň ezelligini!"
"Gabanma öz joraň gözelligini"
"Gabanma öz âriň gerçekligini!"
"Gabanma öz gelniň alçaklygyny!"
"Ne näzlerin, nede sözlerin gaban
Diňe oýnaklasa gözlerin gaban!"

Diýdiler "Erkekden belentdir aýaly"
"O nâm üçin?" diýip berdiler sowal
Jogabym berdiler:"Gutaryp ömrüň
Ýagty dünýâ bilen hoşlaşsaň bir gün
Aýal âr ojagyn saklar diýdiler
Söýgüňi müň kerem haklar!" diýdiler
"Çagalarny iýdir-geýdir - diýdiler
Şeýdip ýaş ömrüni köýdir!" Diýdiler

"Emma beýdip bilmez erkek - diýdiler
Bu babatda pesdir entek!" diýdiler
"Altmyşdan, ýetmişden geçsede- saly
Gözlerin ýumdumy eziz aýaly-
Ýatdan çykyp wepa, ygrar - diýdiler
İkinjiň gözlegne ylgar!" Diýdiler.

Diýdiler, diýdiler kän zat diýdiler
Kâbirisi aňsat, köpüsi kyn zat
Aňsadyn - hemmeler başar-diýdiler
Kynyn başarmakda iş bar - diýdiler
Kyn hem bolsa şudur wesýet - diýdiler
Diňe kyn zat şo mukaddes-diýdiler.

196

Özümiziňki
Unknown_ [off]
06.05.2024 / 00:18

+2

Kerim aganyň wesýetlerinden

Her bir hoş sözi ýerine düşürip, başaryp aýdyp bilmegiň ullakan ähmiýeti bar. Şeýdilse, kän-kän adamlaryň saglygyny gorap boljak.

Bahylçylyk, köplenç halatda, diňe asgyn bilen güýçliniň arasynda döreýär: asgyn güýçlüni gabanýar.

Uly şahsyýet owunjak zatlarda-da özüniň ululygyny görkezýär.

Hoş söz satylýan zat däl: ony zerur ýerinde gysganman paýlamak gerek.

Şöhrat adamyň gaýratyny ölçemek üçin iň uly synagdyr.

Ulumsylyk uly adamyny-da kiçeldip görkezýär. Kiçigöwünlilik kiçi adamyny-da ulaldýar.

Özgä guwanyp bilmeseň, saňa guwanmazlar.

Batyr adamlaryň batyrçylygy hakynda olaryň özüni gepletmek bigelşik bolýar. Adam öz batyrlygy barada näçe edeplilik bilen gürrüň berse-de, ol seniň gözleriň öňünde ýuwaş-ýuwaşdan pese gaçýar.

Körzehiniň daşynyň gopguny bolmaýar.

Gomparmagy gowy görýän adamlar öz doglan obasyndan näçe uzaga gitdigiçe, şonça-da beter gompuldaýarlar. Sebäbi ol ýerlerde olary tanaýan adam ýok.

Öz dostuňdan gizlin saklaýan syrlaryňy hasaplap gör. Şol syrlaryň möçberi näçe köp boldugyça, şonça-da sen öz dostuňdan uzakdasyň.

Hakyky ýazyjy tankytçydan gorkmaýar. Ol diňe okyjydan gorkýar.

.

Özümiziňki
Muawiye (06.05.2024 / 07:58)

Unknown_, Bir kitapdan aldyňmy?

Täzeje
(06.05.2024 / 10:39)

Unknown_, Ап берекелла!

Özümiziňki
Unknown_ (06.05.2024 / 15:30)

Muawiye, yok, internet sahyoalaryndan.

Forum | GÜRRÜŇDEŞLIK | Erkin mowzuklar

GELNEJEM

GELNEJEM

GELNEJEM

GELNEJEM

GELNEJEM

Катюша

Катюша

Катюша

Gara Saçyň Dökülipdir Döşiňe

С праздником! С 9 мая!