Öwreniji
 Miss_minnosh [off]
 30.05.2024 / 08:37
 _ не смотри вокруг,там нет такая как я🤍🦋...

Biziň şol başdaky duşan günümiz,

Ýadyňdamy, ýagyş ýagypdy şol gün.

Otlusy ugraýan ýolagçy kimin,

Özüň howlukmaçdyň, ýüzüňem solgun.



Wagt geçdi, kem-kemden açyldy ýüzüň,

Soň açyldy göwnüň esli gün-aýdan.

Birsellem serimden dertlerim üzüp,

Meniň gujagyma saçlaryň ýaýdyň.



Birden.

Bir dem bilmezlikden säginsem,

Sen gözlemden sumat boljak ýalydyň.

Hut şeýle-de boldy, ýitirdim seni

Seň söýgüňden eljireýän halatym.



Ondan bäri geçdi niçe gün aýlar,

Niçe ýagyş ýagdy ýeri sil suwlap.

Bu gün ýene başujumda dikeldi,

Senli geçen ýatlamalam gykuwlap.



Her ýagyşda beter artdy heserim,

Şol ýagyş geti:r diýp seni ýanyma.

Ne-hä seni maňa gaýtaryp berdi,

Ne-de meni şol başdaky halyma.



Biziň şol iň soňky duşan günümiz,

Ýadyňdamy, ýagyş ýagypdy şol gün.

Sen-ä şol öňküň deý howlukmaç gitdiň,

A men bolsa galdym ýüzümem solgun.



***

Men seni söýeýin,

Söýeýin ömrüme söýmedik ýaly,

Gark bolup gözlerňe ýitirip aňym.

Hatda söýeýin men unudyp adym,

Yşka melul bolup galarym ýaly,

Jadyly söýgiňe, eý, perizadym.



Bas bagryňa gujagyňda ýiteýin,

Tenime bildirsin ýürek urgusy.

Emaý bilen saçlaň taryn öpeýin,

Elime çolaşsyn olaň burgusy.



Saklama duýgyňy goýber erkiňe,

Gözlem bilen gujaklaýyn görküňi.

Gujagma dolmanka näzik bedeniň,

Elewredip, däli edendir gör kimi.



Tes-terje dodaklaň suwuny içip,

Ýitsin çenden aşyp posaň hasaby.

Arzuwym, hyýalym baryndan geçip,

Bir ömre jan bersin gijäň azaby.



Söýgim hakda

Set müň ýolly hem sowally söýgimi,

Öwreden bolmandy mekdepde nygtap.

Söýenler öwdüler kemini goýman,

Aşyklar süýjetdi müň kerem magtap.



Söýüp gördüm, söýüp ýörün henizem,

Şol söýgiň ajysyn-süýjüsin duýup.

Söýşümi kä ýerde sylsalar ýüze,

Kä ýerde bolşumy gördüler aýyp.



Şol söýüp ýörşüme geçip gidipdir,

Günleriň, ýyllaryň esli bölegi.

Ekilen nahallaň, kiçijek ýollaň,

Şol wagtky deň-duşlaň gezip ýöreni

boý alypdyr, ulalypdyr ählisi.

A meň söýgim bolsa, şol bir terligin,

Şol bir ezizligin saklap dur şindem.

Ýürekde gül bolup, açylan söýgim,

Hiç solmaz indem.



Lezzet, ezýet baryn berýän bolsa-da,

Hut şol söýgi meni ýaşadyp ýören,

Hut şol söýgi meni ýaş edip ýören.



Nowruz GARAÝEW.

Teswir ýazmak üçin Içeri giriň ýa-da Agza boluň →!