Täzeje
 Yegen [off]
 15.06.2024 / 18:35

«El çarpdylar, uçup çykdym münbere...»

***

El çarpdylar, uçup çykdym münbere,
Ürküzilen guşlar ýaly galgadym.
Bir gez galdym mertebämi düňderip,
Joşup gürläp, ynsabymy aldadym.

Moý açdy kalbymyň syrça suwagy,
Nebsim — çarygyny undan Aýazhan.
Sypyrdym-da ýüzümdäki tuwagy,
Şöhrat ýodasyna etdim paýandaz.

Göge bakdy tekepbirje temegim,
Gedem-gedem gadam urdum dözümli.
Gabarasy artyp gaba tenimiň,
Haýa donuň ilikleri üzüldi.

Injir ýapragyndan ýasanyp örtük,
Gabaraly şöhrat çykdy münbere.
El çarpdylar,
⠀⠀⠀⠀⠀⠀⠀⠀⠀ynsap — bilbilim ürküp,
Uçup gitdi gülli öten günlere...

© Orazmyrat MYRADOW

Teswir ýazmak üçin Içeri giriň ýa-da Agza boluň →!