Gerceknazar : Eneň-ataň saňa ýagşylyk eder, Olaň ýamanlygam ýagşylygadyr. @Gerçeknazar

 Öwreniji
 Sohbet_Dowletow [off]
 22.06.2024 / 10:57
 .

Geçmiş köpeldikçe, geljek azalýar,
Boş-boşuna geçip barýar bu ömür.
Sarp edilip manysy ýok zatlara,
Gymmatyndan gaçyp barýar bu ömür.

Göwün göterilse dünýä sygmajak
ýaly bolýar ynsan, durman ylgajak,
Bir gitse yzyna hijem gelmejek
Guşlar kimin uçup barýar bu ömür.

Garyp bendäň artdyrman hiç nanyndan,
Adamzady doýuryp öz janyndan,
Gam-gussasy bilen ynsan ganyndan,
Edil suw deý, içip barýar bu ömür.

Kemelip barýar-la, aýtsak bir sözden,
Mährini görmänkäň oguldan-gyzdan,
Entäk ýetişmänkäk hiç zada, bizden
kem-kem ara açyp barýar bu ömür.

Ýaňy görenleriň ýokdur ýerinde,
Hasaly ýör, düýnki ylgaýan bende,
Çagalyk, ýetginjek... döwürler nirde,
Şeýdip, yzda galýar ençeme döwür,
Otly deýin geçip barýar bu ömür.

Söhbet DÖWLETOW.
22.06.2024ý.

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!