Gerekli
 Aixcam_nx [off]
 22.06.2024 / 15:25
 Raionymyn ovadanjasylai_nx

Itme eliň tersi bilen,
Ganat borun, ýelek borun.
Berme sen meni nebsiňe,
Belki, bir gün gerek borun.

Seçip dünýäniň harpygyn,
Ezilse ýaşa kirpigiň,
Çykyp çygryndan erkimiň,
Köräp duran ýürek borun.

Neýlärin men aňlamasaň,
Gülüp bolmaz, aglamasaň,
Iň beýik zady harlasaň,
Men munda ot-elek borun.

Düşmüşem ýoluňa bijäm,
Aglatma, azaşar serçäň,
Herhal jennete gidinçäň,
Zemindäki melek borun.

Men Aýy aýama almak
isledim…

Men Aýy aýama almak isledim,
Gaýta Aýsyz galdym Aýyň içinde.
Öýjagaz gurjakdym palçygy eýläp,
Arzuwmy kirletdim laýyň içinde.

Sonam ürküp gitdi zaryn heňimden,
Okum göçmän galdy ýaýyň içinde.
Peýkamymy pylçap uran ýerimden,
Dünýe zyndan boldy jaýyň içinde.

Köňlüm gurruk guýa öwrülip barýar,
Men bir agzy kepän saýyl içinde.
Aýly boljak bolup, Zeminden gidip,
Aýymy ýitirdim Aýyň içinde.

© Tirkişmyrat Nurýagdyýew

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!