Belki : Mejnun bilen bile yşk sapagyny okaşdyk, ol dörtlük alýardy, meñki bäşlikdi #Oraz Ýagmyr

Premium
 Belki [off]
 28.06.2024 / 16:50
 Ýaşaýyş-- düýş! Sen meň düýşüme girdiň!

ÝADYMDA...

Ýadymda,şol günem şu günki ýaly,
Dolan aý asmanda nurun saçýardy.
Garagol ýyldyzlar gözlerin gyrpyp,
Biri ýansa beýlekisi öçýärdi.

Ýadymda,gelipdiñ şonda kenara,
Oýnadyp şemala gara saçlarñy.
Ýadymda,synlapdym aý yşygynda,
Mawy gözleriñi, gara gaşlarñy.

Uzaklardan gelýän şagallañ sesi,
Seni tiskindirdi,atdy gujagma.
Diýdiñ "-ogurlarlar şagallar meni,
Meni ýetirmezler şagallar saña.

Men göwünlik berdim,köşeşdiñ kem-kem,
Diýdim şagal näme? arslanyñ barka.
Şagal nämedigne düşindim soñ-soñ,
Bir şagaljyk saña,öýlenip durka.

Ýadymda, o günleñ bary ýadymda,
Aý aýlanyp,ençe ýyllar geçsede.
Duşuşuk ýerimiz,suw kenaryna,
Käte gidip,dönip gaýdýan geçmişe.

Edil düýnjik, ýolum düşdi kenara,
Dolan aýyñ keşbi,ýene gülýärdi.
Aşyk ýigidiñ gujagynda bir gözel,
Uzaklardan şagal sesi gelýärdi.

Wepa Nurlyýew

Teswir ýazmak üçin Içeri giriň ýa-da Agza boluň →!