Premium
 Belki [off]
 20.07.2024 / 19:52
 Kupa kızı, sinek valesi ❤️

Utan!
Uýal!
Ýazyklysyñ göwnüm, sen!
Elmydama bat berilmez galama.
Heýem, "Şygyr ýazdym" diýip, boljakmy?!
Şygyrdan has jadylaýjy nazara.

Müñ setiri gaýra duruzjak keşbe
Şygyr sowgat edip bolmaz hiç mahal.
Heýkel gur şanyna
Ýunan tañry deý
Bina galdyr mysalynda Täçmahal.

Şol mynasyp eger jadyly sungat
Irde-giçde bagyş etseñ birine,
Hytaý diwaryny gaýra duruzsyn,
Rakyp bolsun Eýfel atañ diñine.

Çykyp biler sungatyñ çür başyna
Söýgiñ humaryna göwni baglanan.
Çarbag döret, goý ol ýatlatsyn dursun
Semramidanyñ asma baglaryn.

Yşka düşüp, döretmegiñ lezzeti
Gaýry bir hünärde, özge kärde ýok!
...Mende bolsa oñ şanyna bagş etjek
Şygyrdan has beýik, ajap närse ýok!

14.07.2023

Mahym Nurgeldiýewa

Teswir ýazmak üçin Içeri giriň ýa-da Agza boluň →!