Premium
 Belki [off]
 22.07.2024 / 17:47
 Goý, bu güýzler hiç geçmesin, geçmesin!

GÖZLER ÝYGYRT ATMAÝARLAR

«Özgereris ikimizem, ýyllar soň,
Ine, basym ýadyňdanam çykaryn».
Ýanymdan gideniň ýadymdan gitmez,
Aýralygy neneň edip çekerin?! 

Seň ornuňda ýüregimde ýer tutar,
Saňa derek seni küýseýän zarym.
Gözler ýygyrt atmaýarlar, mähriban,
Gerek bolsa dideleňden tanaryn.

Aldyň-da eliňe sapakdyr iňňe,
Akja köýnegimi çatyp başladyň.
Köýnegmiň gursagna batan iňňe deý,
Kirpikleň kalbyma batyp başlady. 

Bitdigiçe köýnegimiň bedeni,
Ýüregim çäk bolup, açyldy ara.
Indi bolsa iňňe-sapak taparmyň,
Ýüregimiň ýarasyny ýamara?! 


Seýran Seýitmämmedow

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!