Täzeje
 Dreamfull [off]
 08.08.2024 / 05:47

Güýz gelip, ýodalar ýadapdyr juda, Sergin säherlere duman inipdir. Ýapraklar çalaja şemala gaçjak. Bolup, çybyklara zordan ilip dur.
Güýz gelip, bulutlar ýitirip ýoly
Güneşiň öňünden gidip bilenok.
Ýagyş gara dönüp ýagaýjak bolýar,
Ýöne nämüçindir ýagyp bilenok.
Güýz gelip, gijeler agraslanypdyr,
Gündizleriň ýüzem saralan ýaly.
Bu günler derýadan üzülip galan,
Ýatyp galan suwlaň niçikkä haly?!
Öňki şagalaňy küýsänok ýürek,
Ol ýeňil şatlykdan düşüpdir jyda...
...Men seniň ýanyňa barardym welin,
Güýz gelip ýodalar ýadapdyr juda...
Awtory Osman Hallyýew.

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!