Premium
 Belki [off]
 19.08.2024 / 15:25
 Kupa kızı, sinek valesi ❤️

Süleýman


Seniň adyň tesbi deýin sanaýan.
Süleýman, Süleýman, Süleýman, Süleý...
Manysy-da üýtgäp gitdi sanamaň,
Man – Süleý – man, Süleý – manysy uly-eý...

Otuz milliard jümle ýitirdi güýjün,
Otuz milliard goşgyň täsiri gaçdy.
Bary-ýogy ýekeje söz – Süleýman,
Otuz milliard älem bilen deňleşdi.

Bu ne hikmet, ýekeje söz galdyryp,
Galan ähli sözi Hudaý garban deý,
Şeýle bolýarmyka ýalkanda Hudaý,
Şeýle bolýarmyka Hudaý garganda-eý?!

Süleýman, Süleýman, Süleýman, Süleý...
Şu söz bilen her gün oýarýar guşlar.
Şu söz bilen salam berýär agaçlar,
Bary-ýogy birje sözden ybarat.
Indi ýaňyltmaçlar – sanalawaçlar.

Süleýman, Süleýman, Süleýman, Süleý...
Başga hiç bir söze ýetenok güýjüm,
Başga hiç bir söze ýetenok aklym,
Didämden akdyryp diýjek sözlerim
Ýakdyň...
Ýakdyň...
Ýakdyň...

Laçyn Pürjäýewa.

Teswir ýazmak üçin Içeri giriň ýa-da Agza boluň →!