Özümiziňki
 Jasmin [off]
 21.08.2024 / 12:45

Apple 2021-nji ýyldan bäri ilkinji gezek täze AirPods nauşniklerini çykarar

Apple 2021-nji ýyldan bäri ilkinji gezek täze AirPods nauşniklerini çykarar
Amerikan tehnologiýa korporasiýasy Apple sentýabr aýynda AirPods nauşniginiň täze, dördünji nesliniň iki wersiýasyny hödürlär. Bu barada Bloomberg-iň žurnalisti Mark Gurmanyň maglumatlaryna salgylanyp, 9to5Mac portaly habar berýär.

AirPods 4 bazarda AirPods 2 we 3 modelleriniň ornuny çalyşmaly bolar. Olar ilkinji gezek, degişlilikde, 2019-njy ýylyň 20-nji martynda we 2021-nji ýylyň 18-nji oktýabrynda hödürlendi. Dördünji nesliň orta görnüşi işjeň galmagaly basyş ulgamyna eýe bolar, esasy wersiýada ol bolmaz, ýöne nauşnikler daşky görnüşi boýunça birmeňzeş bolar. AirPods 4-üň iki görnüşini hem zarýad beriji futlýarda USB-C bilen hödürlemek meýilleşdirilýär, ýöne has gymmat nauşnikler galtaşyksyz zarýad berşi goldar. Şol bir wagtyň özünde, Gurman AirPods Pro model hatarynyň heniz täzelenmejekdigini belleýär. Şeýle-de, ol AirPods 4-üň modeliň takyk ady däldigini we onuň hakykatda başgaça bolup biljekdigini aýdýar.
Birinji nesil AirPods nauşnigi 2016-njy ýylyň sentýabr aýynda iPhone 7 bilen bilelikde anons edildi. AirPods simsiz nauşnikleriň doly derejeli hatarynyň başlangyjy boldy.

Teswir ýazmak üçin Içeri giriň ýa-da Agza boluň →!