Sumsule : Deli tarafıma gelme sakın, orada ben bile hükümsüzüm.(Sümsüle).

 Täzeje
 Agzamen [off]
 31.08.2024 / 20:49

Etmeli zatlaryň baryny etdim,
Gynandym, agladym, samradym sesli...
Kagyzlary otlap çykdym–ýylandym,
Rahatlyk. Gursagmy semredip esli
Süýtreňi, burugsy tüsseler garlan
Howadan dem dartyp içe, gijäniň
Için ýakdym.
Garaldyp içim.
Neçün?
Göýä, Taňrysy deý öz ýazgydymyň,
Gazaplandym etmişine bijämiň.

Baýguş bolup ýeke özüm keýp çekdim,
Gynanç bilen gülki humarym deňläp.
Ejem şol gün menden tamasyn üzdi,
Al, jyn kakyp telbe bolmanym aňlap...

Okadylsa açylyp gidýär olar,
Meni welin okajak täk ynsan ýok.
Ylmyň güýjem astyn gelýär derdime,
"Ýazgyt pozma" enjamyny ýasan ýok.

Garaz, ýene daň ýetişer dadyma,
Adat boldy indi gije köýmegim.
Garaz, ýene geçip gider bu günem
Geçişi deý, oýanmaly şol gijäň
başyň täze öýmeli...

Edepli Gödek.

Teswir ýazmak üçin Içeri giriň ýa-da Agza boluň →!