Özümiziňki
 Agzamen [off]
 09.09.2024 / 06:05
 ☪️🇹🇲

Çöken göwnüň ýaryn gözläp,
Enteklerem ýanyp ýörmiň?!
Ýakynlardan syryň gizläp,
Uzaklara ýazyp ýörmiň?!

Kagyz bilen iç döküşip,
Säherlere giç ýetişip,
Gaýta-gaýta iç çekişiň,
Gizläp "alkyş" alyp ýörmiň?!

Her ädimiň öte gidip,
Ýollar-da ynamyň iýdip,
Durmuşyň şarpygyn dadyp,
Ýykylyp soň galyp ýörmiň?!

Enteklerem telbe bolup,
"Çyn söýgi" diýp, teşne bolup,
Her suwsana çeşme bolup,
Özüň kepäp solup ýörmiň?!

"Ýörejek" diýp dogry ýoldan,
Çalşyraýma sagy soldan!
Gorap daşyň egri goldan,
Galp adyny alyp ýörmiň?!

Süýtden arap gyzyl reňki,
Bü dünýeden bolup terki,
("...gowy günler öňde belki")
Öz diýenňe uýup ýörmiň?!

2022 ý.

Edepli Gödek.

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!