Dreamfull : “Young-ro, you bloomed flowers inside me who was so cold.”

 Gytyndan
 Baron [off]
 05.10.2024 / 23:38
 “Her setirim ruhumdaky ýaramdyr...”

Güneşli köňüle inipdir duman,
Çytylypdyr ýaşyl baglaň ýüzleri.
Nireden bir ýerden ilipdir güman,
Nämüçindir, gamly ýaryň gözleri.

Aýralyga boýun egen ýürekler
Indi kaýyllyga ten beren ýaly.
Hasrat gülleleri degen ýürekler...
Hamala, bulary men beren ýaly,
Müýnüm mynçgap-mynçgap, egbarlatdy.
Da-a-at!
Halys ýagyr boldum, söýgim, bagyşla!
Gamhanam çogup dur, yşkhanam — berbat.
Meni ejizledýär naçar gözýaşlar...

Kysmat eken: gussa bilen ölmeli,
Bagtym täkdi, betbagtlyk — goşadan.
Göz öňümde ýaryň başy öýmeli...
Öňem dykyn... damagymy boşadyň!

05.10.2024ý.


©Sapa HOMMADOW

Teswir ýazmak üçin Içeri giriň ýa-da Agza boluň →!