Sebap : Söýgiň bar ýerinde ýaşamagam, durmuşam bardyr

 Özümiziňki
 Gerceknazar [off]
 14.10.2024 / 07:00
 Kanagatly bende baýdyr soltandan

Mazarystanda...

Bagry girýan bolan bir garry ene,
Oglunyň mazarna geldi ol ýene.

Çagaka gidirdi jigerbendini,
Indi köne mazar boldy hemdemi.

Mazardan gelýärdi oglunyň sesi,
Kikirdeýän bir enaýy gülküsi.

Daşynda-da özi ýaly çagalar ,
Oýnaýardy baldan süýji balalar.

Eşdilýär çagalaň şadyýan sesi,
Mazardan gelýärdi jennetiň ysy.

Ene hem olara ýokardan bakyp,
Oturdy gözünden ýaşyny döküp.

Geçsede ýedi ýyl ýangynly sene,
Ene perzendini ýatlady ýene.

Ýatlady ilkinji dünýä gelişin,
Buýsanç bilen gujagyna alyşyn.

Ýatlady ullakan gara gözlerni,
Mähir bilen sypalardy ellerni.

Bu duýguny göräýmeseň göz bilen,
Beýan edip bomaýar-a söz bilen.

Ýatlady bir geňsi ýylgyrşyny,
Ýatlady ol kikirdäpjik gülşini.

Ýatlady ,ýatlady , ýatlady ene ,
Ýene uzak gije ýatmady ene .

Oguljygny gördi ýene düýşünde,
Emedekläp oýnap ýördi gaşynda.

Oýnadýardy kakasy hem ýanynda,
Tisginip oýandy gijäň ýarynda.

Ukysyz gijeler geçdi gam bilen ,
Çaga öwlýäsine geldi daň bilen .

Mazaryň başynda otyr ol ýene,
Şondan soň çagasy bolmadyk ene.

© Gerçeknazar AMANNAZAROW.

Teswir ýazmak üçin Içeri giriň ýa-da Agza boluň →!