Sebap : Söýýän ynsan wagt tapar, bahana däl....@Sebap

 Gytyndan
 Baron [off]
 14.10.2024 / 09:36
 “Her setirim ruhumdaky ýaramdyr...”

Duşman ýesir aldy hyýallarymyzy,
Gerek bolany üçin däl ýöne.

Elden aldy bagtly çagalygymyzy,
Bagt isleýäni üçin däl ýöne.

Bütin şäher içre gopdy harasat,
Şemal öwüsýäni üçin däl ýöne.

Emma munda dymýar ähli adamzat,
Lal bolany üçin däl ýöne.

Bäbekler çyrlaýar ah-u-nalaly,
Bäbek bolany üçin däl ýöne.

Gundaglar öwüsýär al-gyrmyzy,
Asyl reňki bolany üçin däl ýöne.

Ýüreklerimiziň gaçdy ysgyny,
Söýgüden ýananymyz üçin däl ýöne.

Undulan şäherde her öý tüsseli,
Gyzgyn nahar bişýäni üçin däl ýöne.

Ene zaryn... üwreýär öz balasyn,
Hüwdi däl ýöne.

Şu zatlary gören haýsy göz aglamasyn?!
Aglamak üçin diňe göz gerek däl ýöne.


©Begençgeldi ORAZOW

Teswir ýazmak üçin Içeri giriň ýa-da Agza boluň →!