AHWAL.. | YekeTak.Ru

Gerekli
Baron [off]

18.10.2024 / 06:35
“Her setirim ruhumdaky ýaramdyr...”

Barymdan bazar eýledim,
Käte kemsindim ýoguma.
Bir gün duýgularmy bogup,
Ýanasym geldi ýoguna.

Göwnüme hile gurdurdym,
Urdurdym ýodany, ýoly.
Ähli kişä gyýa bakdym,
Ählisi kastymda ýaly.

Jan berjekdim jan berene,
Janyn berjek tapylmady.
Görmesem diýdim dünýäni,
Göreçlerim gapylmady.

Elden gelse, hemmäň derdin
Bir demimde ýakjakdym men.
Çoýunara ot boljakdym,
Derýa bolup akjakdym men.

Ata pendin dogry tutup,
Aglatmajakdym enemi.
Jahana şatlyk berjekdim,
Özüm aljakdym elemin.

Ýol tapjakdym ýüreklere,
Mätäçlere gol berjekdim.
Diňe ýeke gyzy söýüp,
Diňe şoňa ýalbarjakdym.

Gol buladym salgyma kän,
Elim ýetmedi belende.
Wah, şo mahal ýok ekenim
Bagt gapym kakyp gelende.

Etsem-petsem kändi mende,
Juda-juda kändi olar.
Ýöne ömrüň bir güýzünde
Ýaprak bolup tändi olar.

Her arzuwmy durmuşyma
Geçirmäge gyssanardym.
Arzuw arzuwlygna galdy,
Wah, ýeňildim gussalardan...

Dat-bidat gygyrdym ençe,
Tapylmady sesim eşden.
Onsoň zary-zar ýygladym,
Sesimi gizleýip içden.

Tapmakdan umydym üzdüm,
Nirde şatlyk, nirde gowluk?..
Ahyrsoňy bilip galdym
Ýalňyşanmy döräp — doglup.

©Sapa HOMMADOW

Özümiziňki
Gulmahrem [off]
18.10.2024 / 07:24

+1

""Ganatsyz guş bolmaz, arzuwsyz adam" diýilýä. Şonda-da, ruhdan düşmän, diňe arzuwlar bn ýaşamaly. Biri bolmasa, biri hökman hasyl bolaýmaly.. Goşgudaky her bendiniň başky iki setirlerini has gowy gördüm. Dowamly bolsun. Galamyňyz kütelmesin.

Teswir ýazmak üçin Içeri giriň ýa-da Agza boluň →!

Ine, bar bolany, soňlandy film. El çarpyşma hantama däl ikimiz.

Allanur poeziýadada gowy ýazýar prozadada gowy ýazýar "Ýetişiksiz okuwçy" syny okap hezil edipdim. Awtora Üstünlik ýetirenker sagbolsun!...dowamy...

Şygyryýet dünýäsi | Ine, bar bolany, soňlandy film. El çarpyşma hantama däl ikimiz.
Hyyalbent (Şugün, 19:15)

Durmuş saña hossar däl...

Awtorda üýtgeşikje zatlaram görýän şonuň ýaly dagynlygam bar şu goşgyny alaly meselem Durmuş seniň ataň däl, Ädimiň bermez ölçäp. Ýalňyşsaň şarpy...dowamy...

Şygyryýet dünýäsi | Durmuş saña hossar däl...
Hyyalbent (Şugün, 19:09)

Forum | UMUMY BÖLÜM | Şygyryýet dünýäsi

Mekan Music yuregimin owazy

Mekan Music yuregimin owazy

Mekan Music yuregimin owazy

Mekan Music yuregimin owazy

Mekan Music yuregimin owazy

Mekan Music yuregimin owazy

***********

Ine, bar bolany, soňlandy film. El çarpyşma hantama däl ikimiz.

Durmuş saña hossar däl...

Bolÿar, hoş