Gerekli
 yurekdes [off]
 20.10.2024 / 17:04
  Diller dymýan wagty, gözler gürleýä...

Ýüz bermeseñ, bökmändim men boýnuña,
Mar deý çakarsyňam, girsem goýnuña,
Düşünip bilmedim, DURMUŞ, oýnuña,
Telim ýola aldandym men yşlara
Tanyşlar öwrülýär nätanyşlara.

Sende tapanjama kaýyl boldum men,
Yşka däl-de, söze maýyl boldum men,
Bir ýürekdeş dosta saýyl boldum men,
Neçüýn garaşaýyn ýazda gyşlara,
Tanyşlar öwrülýär nätanyşlara.

Kynçylygyñ itip, şu döşüm bilen,
Ýaşadym huşum däl, ah, huşum bilen,
Gözde dolup galan gözýaşym bilen,
Arzym aýtdym şu gün diñe guşlara,
Tanyşlar öwrülýär nätanyşlara.

Bakýan gök asmana, bakýan diwara,
Diýilmese bolýa, "yşkdan diwana",
Zar bolup şu dirilikde didara,
Küýsegim kän öñki üns-bakyşlar
Tanyslar owrulyar natanyslara.

Ogultäç ORAZTAGANOWA

Teswir ýazmak üçin Içeri giriň ýa-da Agza boluň →!