Adam atlary we lakamlary

Özümiziňki
Jasmin [off]

26.10.2024 / 16:21

Adam atlary we lakamlary. Her bir adamy biri-birinden tapawutlandyrmaga mümkinçilik berýän esasy zat onuň ady bolup durýar.
Her bir adam dünýä inende-de onuň ata-enesi, beýleki hossarlary tarapyndan oňa söýüp-sylanyp, ýagşylyga ýanalyp ýa-da haýsydyr bir bela-beterlerden goramak maksady bilen at dakylýar. Türkmen atlarynyň-a aglaba köpüsi şonuň ýaly yrym bilen dakylar. Türkmenlerde dakylýan atlary olaryň haýsydyr bir zada ýa-da adama ýanalyp dakylmasyna baglylykda şu aşakdaky toparlara bölmek bolýar:
1. Din bilen bagly atlar:
Allaberdi, Allaguly, Taňryberdi, Taňryguly, Rahym, Rahman, Halyl, Habyb, Kadyr, Kerim, Azym, Hekim, Halyk, Jepbar, Suhan, Muhammet, Muhammetgeldi, Muhammetmyrat, Muhammetsapar, Muhammetdurdy, Hajar, Äşe, Patma, Hatyja, Yslam, Isa, Musa, Hydyr, Ylýas, Dawut, Süleýman, Ybraýym, Ysmaýyl, Hasan, Hüseýin, Mustapa, Weýis, Omar, Osman, Aly, Ebubekir, Molla, Işan, Ahunberdi, Öwlýaguly, Röwşen, Enwer we ş.m.
2. Gymmatbaha ýa-da berk jisimler bilen bagly atlar:
Polat, Demir, Tylla, Altyn, Kümüş, Göwher, Merjen, Zümerret, Pöwrize we ş.m.
3. Haýwanat dünýäsi bilen bagly atlar
Edermen, gözel diýlip ykrar edilýän haýwanlaryň, guşlaryň atlaryna ýanalyp Ýolbars, Gaplaň, Möjek, Gurt, Böri, Bars, Arslan, Babyr, Keýik, Maral, Jeren, Tawus, Bilbil, Bürgüt, Köşek, Iner we ş.m.
4. Adam häsiýetleri bilen bagly atlar:
Batyr, Merdan, Wepa, Sapa, Gaýgysyz, Şatlyk, Mergen, Ezber, Sahy, Jomart, Güýç, Kuwwat, Gaýrat, Gahryman, Guwanç, Begenç we ş.m.
5. Adamyň daş sypat alamatlary bilen bagly atlar:
Owadan, Gözel, Jemal, Didar, Sary, Garamyrat, Akmyrat, Halmyrat, Täçmyrat, Nury, Zyýada, Näzli, Näzik, Tuwak, Janmyrat we ş.m.
6. Wezipe, dereje bilen bagly atlar:
Şamuhammet, Mälik, Patyşaguly, Soltan, Hangeldi, Wezirguly, Hanmyrat, Töre, Serdar, Begler, Begdurdy, Hajymyrat, Arçyn, Bibi, Bike we ş.m.
7. Gahrymanlaryň we meşhur şahslaryň atlaryna ýanalyp dakylýan atlar:
Isgender, Mahmyt, Togrul, Çagry, Sanjar, Jelaleddin, Çingiz, Teýmir, Hatam, Görogly, Jygaly, Rüstem, Perhat, Şirin, Şasenem, Garyp, Tahyr, Zöhre, Leýli, Mejnun, Nejep, Magtymguly we ş.m.
8. Ok-ýarag esbaplar bilen bagly atlar:
Gylyç, Keýmir, Hanjar, Galkan, Palta, Sanjar we ş.m.
9. Hünärler bilen bagly atlar:
Ussa, Daýhan, Çopan, Seýis, Jarçy, Esger, Bagşy, Lukman, Hekim, Molla, Kerwen, Mergen, Täjir, Hatdat, Alym, Galandar, Talyp we ş.m.
10. Wagt-sene hasaby bilen bagly atlar:
Rejep, Oraz, Remezan, Aşyr, Meret, Sapar, Gurban, Juma, Anna, Tirkeş, Güýzgeldi, Ýazgeldi, Bahar, Ýazgül we ş.m.
11. Tebigat we tebigy şertler bilen bagly atlar:
Deňiz, Derýa, Sähra, Çemen, Gülzar, Garýagdy, Gündogdy, Aýdogdy, Aýnur, Gülbibi, Silgeldi, Giçgeldi, Älem, Ýyldyz, Dünýä, Jahan, Asman we ş.m.
12. Durmuşy hadysalar bilen bagly atlar:
Meýlis, Baýram, Mekan, Döwran, Toýly, Bereket, Döwlet, Ýolaman, Saparmyrat, Ýurdaman, Maksat, Myrat, Arzuw, Yhlas we ş.m.
13. Çagany ýaman gözden-dilden, görüner-görünmez belalardan goramak üçin dakylýan atlar:
Eşekguly, Italmaz, Igdir, Porsy, Porsuja, Güjük, Köpek, Gul, Gedaý, Garyp, Ýetim, Küti we ş.m.
14. Ýert-ýurt atlary bilen bagly dakylýan atlar:
Şäher, Aşgabat, Medine, Saragt, Balkan, Ahal, Arkaç, Mäne, Tejen we ş.m.
15. Mifiki jandarlara ýanalyp dakylýan atlar:
Humaý, Semender, Aždar, Perizat, Hüýri, Melek we ş.m.
16. Miweleriň, baglaryň, gülleriň atlary bilen bagly atlar:
Çynar, Alma, Nargül, Hurma, Hoz, Arça, Kerkaw, Sözen, Sazak, Çerkez, Gandym, Bägül, Gülälek we ş.m.
17. Dürli işlikleri ulanmak arkaly, çaganyň durmagyny (diri galmagyny) üpjün etmeklige gönükdirilen yrym etmek üçin dakylýan atlar:
Durdy, Geldi, Doldy, Ogulboldy, Oguldöndi, Döndi, Bessir we ş.m.
18. Ötüp-geçen ata-babalara hormat hökmünde dakylýan atlar:
Atadurdy, Babageldi, Baba, Mamajan, Enejan, Ejegül, Ejegyz, Kakageldi, Kakamyrat, Kakadurdy we ş.m.

193

Forum | GÜRRÜŇDEŞLIK | Erkin mowzuklar

Lolular

Lolular

Baidu haýwan dilini adam diline terjime edýän tehnologiýany patentlemek üçin arza berdi

Baidu haýwan dilini adam diline terjime edýän tehnologiýany patentlemek üçin arza berdi

Yatkeslik

Soragnama logiki

Soragnama logiki

Soragnama logiki

Soragnama logiki

Soragnama logiki