Tertip : TANIMALLYK ÝÜKIÑ AGYRYDYR GÖTERIP BILSEÑ GÜÇLISIÑ GÖTERIP BILMESEÑ ZOR ADAM DALSIÑ Atagylyc Gurbangulyýew

 Gytyndan
 yurekdes [off]
 26.10.2024 / 23:21
 "Meñ ýűregim sowady indi gelme űşärsiñ"

Haýran men, menden soň gelen nätanyş
Kesekiň söýgüsin etmediň inkär.
Utulan men, unudan sen söýgide,
Bu zatlaň barsyna özüm günäkär.

Erkim aldyň elden, aldandym menem,
Belki, özgelerden aldandyň senem,
Näçe ýyllar geçdi, ýatlandyň ýene,
Ýürekde ýitmedik yzyň günäkär.

Dogrusy, sowadym, emma ýatlaýan,
Tozan basan suratlarňy ýakmaýan.
Indi gürlemäge gurby çatmaýan,
“Seni söýýän” diýen, dilim günäkär.

Uzyn saçyň bardy, eliň mylaýym,
Seniň-ä ýaryň bar, meňem hyýalym,
Boljakdyň birwagt mährem aýalym,
Özgä oýun bolduň, özüň günäkär.

Halaşypdyk, jandan, tenden, ýürekden,
Beterleşdi indi halym harapdan,
Hiç kime bakmadyk söýgi tarapdan
Saňa bakan iki gözüm günäkär.

Bu göwnümiň ähli zatdan geçmegne,
Ýürekde söýginiň orny öçmegne,
Bagtlylykdan, bu ahwala düşmegme,
Ýyllar ozal söýen gyzym günäkär.

Söhbet Döwletow
11.03.2024ý.

Teswir ýazmak üçin Içeri giriň ýa-da Agza boluň →!