yurekdes : Nesibelini suwa gark etsen agzy balykly cykarmys#yurekdes

 Özümiziňki
 Gulmahrem [off]
 29.10.2024 / 09:34

Ýadyma şo-ol şat çagalyk döwrümi
Salar ýaly...
Goşgy okap bersene!
Meniň mydam mähre teşne göwnümi
Alar ýaly...
Goşgy okap bersene!

Gürzüsin aýlanda otly ýyldyrym.
Arş elden gaçyrmyş yşky - bulguryn.
Ýagyrnysyn süýnüp barýan ýyllaryň
Çalar ýaly...
Goşgy okap bersene!

Soňky günler etek - alty, ýeň ýedi,
Asla ýaşamaga elim degmedi...
Şo-ol şygryň-a ýüregimde jigledi...
Şolar ýaly goşgy okap bersene!

Ýüregiň bar ýüregme ýanaşyk,
Gideýin men duýgulaňda azaşyp,
Sekiz jennet lezzetinden azajyk
Çiler ýaly goşgy okap bersene!

Günleriň sessizje hoşlaşýanyny,
Baharyň golaýlap, gyş geçýänini
Özümiň özümden daşlaşýanymy
Şo-ol duýgulaň heniz daşlaşmanyny,
Biler ýaly...
Goşgy okap bersene!

Kakamyrat Rejepow

Teswir ýazmak üçin Içeri giriň ýa-da Agza boluň →!