Serhoşuň düýşi.

Täzeje
Agzamen [off]

09.11.2024 / 11:07

Men betnyşan däl!
Men diňeje beýlekilerden biraz—
owadan däliräk.
Hemem biraz däliräk.
Arzuwlarmam özüm ýaly deliräk.
Men asyr bilen deňiräk,
Ýaşym bolsa seniňkiden kemiräk...
Horlandygym saýy barýan öte semiräp...
Oturma-da geňiräp,
Maňa meýdan yzlaşsana.
Oňa adam sygmasyn hiç
Bolsun emma adam kimin giňiräk!
Ýöräp soňna ýetilmesin,
Ýöne onuň çägi welin,
Göz ýetimden ötülmesin.
Yrananda ýykylmasyn,
Jaýam gurgun şeýleräk.
Bu gün-ä şenbe däl,
Ertir düýnki günden yzda,
Düýn nirede?
Şu dara-direde,
Uraýsaňda... arman...
haýpym gelýär elimdäki pile-de.
Geçersiň diýp ýollara
Gurnamadym hile-de.
Häzir tomus titreýärin,
Ýa men heniz çykmadymmy çilleden?!
Parran geçen kelleden,
Men gurşuny öldürdim.
Özüm ölmedim diýip,
Üstümdenem güldürdim.
"Ýok" diledim "Hawa"-dan,
Jyklady üçünji kişi.
Kimkän gulak gabardan,
Ýokmukan başga işi?
Senem eliň çermede,
Yzym bilen ýörsene.
Bu bezzatlaň bolşuny,
Agzyň bilen görsene.
Soňam yzyňa gelip,
Gözüň bilen gürlärsiň.
Onsoň barça baýlygyň
Bolarsyň täk hojaýny.
Mawzer kimin arlarsyň,
Arslanlary awlarsyň.
Soňam aňlarsyň...
Soňam aglarsyň...
Ýa-da keýpiň çaglarsyň.
Sen bilýäňmi ho-ol ýerde,
Selle geýen Papa bar.
Görjek bolsaň ertekä
Açylmaýan gapa bar.
Duşmanlarym gyýylar,
Tapylmasa çüýşejigme gapagam.
Gana meňzeş suwuny,
Damdyrypdyr köýnegme.
Ýogsam mende ganam ýok-la.
Dogulamda akydyp,
Göbegenem hapa ganymy ýoklan.
Üzümiň gany akýar,
Hany indi ýokmy-how,
Bir ýekeje gapajyk?
Çalýan ýok-la çapajyk,
Meniň oýnan roluma.
Könelişen donuma,
Sygyp baranok indi
Munça bolan täzelik.
Bu gün tomus, erte güýz,
A men bolsa belleýärin Täze ýyl...
Bahar gelse merdemlener
Täleýim...
Men betnyşan däl,
Men diňeje beýlekilerden biraz—
owadan däliräk.
Häsiýetimem däliräk,
Arzuwlarmam özüm ýaly deliräk.
Men asyr bilen deňiräk,
Ýaşym bolsa seniňkiden kemiräk...
Horlandygym saýy barýan öte semiräp...

Ⓒ Edepli Gödek

147

Özümiziňki
Hyyalbent [off]
09.11.2024 / 18:35

+1

Gowyja üýtgeşikje zatlara aýtjak bolupdyr Awtir ýöne uzagrak eken Seýitmyrat Geldiýewiň goşgulary ýaly bentleriň sany köpeldigiçe okyjy aňanok sebäbi seni öz täsirinde saklaýar we setirler köpeldigiçe setirleriň agramy artyar bu diýdigim goşgy gowy däl eken diýdigimem däl welin aýdylmaly zat näçe köp bolsada gysga aýtmaga synanşmak gowy zat ýok ony etjek däl uzakdan düşundirjek diýseňem okyjyny yzyňa düşürip gitmeli gipnozlamak ýaly bir zat etmeli garaz okyjy ýadamaly däl okap gelýärkä. Bu meniň şahsy pikrimdir öz düşunşimçe ýazdym ters düşünmek bolmasyn!

Forum | UMUMY BÖLÜM | Şygyryýet dünýäsi

Lolular

Hoşlaşyk aýdymy

Hoşlaşyk aýdymy

Soragnama logiki2

Soragnama logiki2

Soragnama logiki2

Soragnama logiki2

Lolular

Lolular

Lolular