Admin : Garaşýanyň-a gelmez, kowýanyňam gitmez. Durmuş-da…

 Özümiziňki
 Gulmahrem [off]
 25.11.2024 / 11:50

BAR EÝLE!

Bar etmäge, ýok etmäge kadyr sen,
Allam tende dertlerimi ýok eýle.
Bu jahana synag üçin iberdiň,
Kalpda iman, aňda akyl bar eýle.

Ryskymy ber, her günüme ýeterlik,
Mal-döwleti - dünýäligi geçerlik,
Haýru-yhsan - huzuryňa elterlik,
Halallygy ýaşaýşyma ýar eýle!

Ejiz göwräm huzuryňda epilse,
Kabul eýle dergähiňe eltilse.
Haram edeniňe göwnüm ymtylsa,
Soňa goýma, bu dünýämi nar eýle.

Senam dilde, gybatlarym az bolsa,
Sabrym artyk bolsa, şükrüm kän bolsa,
Gözel ahlak ýüregimde bar bolsa,
Namys-haýa al ýüzüme tug eýle.

Dogry ýolda dogrulara sataşsam,
Yşk çeşmäňden bir goşowuç suw içsem,
Ol emine ymmat bolup ýetişsem,
Iki dünýe dostlaryňa ýan eýle.

Suraý Amanakowa

Teswir ýazmak üçin Içeri giriň ýa-da Agza boluň →!