Adamlara ynanyp

Öwreniji
Hyyalbent [off]

Şugün, 15:20

Adamlara,
Aýdymlara ynanyp,
Ýüregmi aýamda göterip gezdim.
Ýagşylyga maýsa bolup yranyp,
Ýamanlyga welin gaýa deý dözdüm.

Gara çynym bilen uýdum päklige,
Sadalyga uýdum.
Güp gitdim gepe...
Ýaşadym gol bermän ýeketäklige,
«Ýaşasyn gözellik!..
Gitdikmi, şepe?..»

Dost öňüne atdym ünjä gidende,
Kä
Gyz ýaýdananda öňüne atdym.
Nämüçindir
Her sapar «jig-g» edende:
«Taňrym, bu nämekä?» —
Pikire batdym.

Ýazyk, günä...
Öz-özünden ötülýä
Erkgala deý boşap galan gursakda...
Men ýüregmi güjeňlänme ökünýän,
Has pugtarak gizlemeli pursatda.

Men ony taplamak isledim diňe
Gorap dilden-gözden üstün ýapmadym.
Ýöne...
Ahyr bir gün bakamda siňe,
Ýekeje-de abat ýerin tapmadym.

(Gyýym-gyýym gyýylypdyr jigerim,
Dilim-dilim dilinipdir jigerim.
Bu görünýän gara-gara tegmiller
— Aldanan,
Azaşan,
Ýalňyşan... ýerim.

Öz çägiňden çykmak şeýle bir aňsat,
Yzyňa dolanmak çaklaşyňdan kyn...
«Mundan çepe gitseň — keramat aňtap
— Gaýdyp geleriňden gelmeziň ýakyn...»

Käte ýat illere nesibäm çekdi,
Käte saklatmady gözümiň ýaşy...
...Çykaranym bir näzijek ýürekdi,
A yzyna saldym bir tokga daşy...

Şiraly Nurmyradow

Özümiziňki
Gulmahrem [off]
Şugün, 16:21

+1

Hekaýalaram bar öýdýän şu şahyryň?

Öwreniji
Hyyalbent (Şugün, 16:54)

Gulmahrem, Hawwa Poeziýa, Proza eserleriniň ikisinem gaty gowy gorýän!

Teswir ýazmak üçin Içeri giriň ýa-da Agza boluň →!

💎💎💎💎

Goşgyny adatyrak gördüm soňky iki goşgusynam ýa meniň goşgudan gözleýän zadym başgaçarak zatdyr, garaz her kime her hili goşgy ýaraýar. Awtora Üs...dowamy...

Erkin mowzuklar | 💎💎💎💎
Hyyalbent (Şugün, 14:08)

Forum | UMUMY BÖLÜM | Şygyryýet dünýäsi

Dillen..!

Dillen..!

Dillen..!

Dutar heňi🙂

💎💎💎💎

💎💎💎💎

💎💎💎💎

Ýüregimiň armanydyr

c/c++ programma dilinde ilkinji programma