Watan gadyry ýat ýurtda bilner.
Parahatlyk — uly iliň bagtydyr.
Ýol ýörän döwlet tapar.
Ýagşylyk etseň, ýagşylyk ederler.
Ýalanyň ýoly gysga.
Öz jaýyň üstündäki gary goňşy öýüň üstüne oklama!
Ikä çapan birden galar.
Tabaga salmazdan öň, elekden geçir.
Gowa hemra bolanyň agzy bala batar.
Ynsan daşdan gaty, güldenem ýumşak.
Altyn hilinden, adam dilinden tanalar.
Enesini gör-de gyzyna, atasyny gör-de ogluna baha ber.
Köp işlän köp iýer.
Söhbetden öň salamlaş.
Gäwmiş gülüň gadyryn näbilsin?
Dana sözüň dag ýaly agramy bar.
Eşideniňi ile ýaýma.
Diňlenmese, dil açma.
Labyzly ses gulak posuny açar.
Dost adyndan aýdylan söz öz sözüňdir.
Ene gujagy perzendiň sallançagydyr.
Agzalalyk maşgalany dargadar.
Gül öz düýbünde gözeldir.
Her guş öz höwürtgesini taryplar.
Ýer — altyn hazynadyr.
Gül tikensiz bolmaz.
Dana akyl bermek hebesdir.
Mert deňizçi gaýda tanalar.
Gaplaň taýak bilen däl, mähir bilen eldeki ediler.
Bedew atyň ýanynda ýol gaýgysy bolmaz.
El bilen çözüljek düwüne diş urmak nämä gerek?
Bugdaýyň ýoly harazda gutarar.
Sabyrly kişiň suwy yzyna akyp geler.
Ynsan ýagşylyk üçin dogulýar.
Kitüw saklasaň, kitüwden köýersiň.
Ile ýamanlyk etmeseň, özüňe-de ýamanlyk gelmez.
Gowy gylyk han eder,
Bet gylyk haýwan eder.
Sadaka bermek üçin baýlyk däl, mähirli ýürek gerek.
Ýagşylyk ýatdan çykmaz.
Ýagşylygy sil aparmaz.
Edensiz edenlini görmez.
Gepländen diňlän ýagşy.
Kimse süýdi söýer, kimse — çorbany.
Her kimiň öz keşdesi özüne gözel.
Eden işiň özüňde galar.
Daşdan ýag alyp bolmaz.
Bir eýere iki adam ýerleşmez.
Kömür haltasynda un saklanmaz.
Bag güle durynça, bagbanyň bili büküler.
Howluganyň bilen şüle sowamaz.
Wagt altyndan gymmatlydyr.
Guşam höwürtgesini birden guraýýan däldir.
Ýitensoň gadyry bilner.
Ýüp inçe ýerinden üzüler.
Ilem özüňe görä bolar.
Gowşak böwedi suw böwser.
Ekeniňi orarsyň.
Ýüz — kalbyň aýnasydyr.
Geýimine seretme, kalbyna seret.
Gara towuk hem ak ýumurtga guzlar.
Keçäni düşenjege ber.
Başarmasaň söz berme.
Jöwzada ýyg, saýada iý.
Iýmedik ýarmaňy ýamanlama.
Ýuwaş akýan suwdan gork.
Belent dagyň gerşine-de ýol tapsa bolar.
Garaňkyda kölege gözlenmez.
Kimse toýnagyndan tanalar, kimse — guýrugyndan.
Şemalyň egmejek agajy bolmaz.
Utulan oýundan çykar.
Iki laçyn garpyşsa, kepderiň ýelegi ütüler.
Başarsaň ýagşylyk et.
Toplan Ö. DAŞGYNOW
Çeşme: "Dünýä edebiýaty" žurnaly.
134
16
2
5
1
0
1
Teswirler:
Özümiziňki Gulmahrem [off] 25.11.2024 / 23:01
+0
Öre Daşgynowyň goşgularyndan ýokmy Sizde?
Ýetiräýiň, bar bolsa.
Su alyan yerin turkceden terjime etmegi hic hili onaranok. "Men ogurlyk" dip gygyryp dur:Ýanaklaryňmy, ýa-da pamyk şekermi? Biri gaty şirin… ýöne...dowamy...
Köre-kör öýkünmek – köp-köp ökünmek
Prezident Kalwin Kulij dogduk şäherinden bolan dostlaryny Ak tama nahara çagyrypdyr. Oňaýsyz ýagdaýa düşmekd...dowamy...
Içeri gir
Agza bol
Özümiziňki
ýokda
Gerekli
Forum 
Agzalar 
Dükan 
Albom 
Top Agzalar 
(
) -deş sözler 
Çykmak 