Täzeje
 Agzamen [off]
 01.12.2024 / 03:21

Men sözüň aşygy,
Sözüň gudratyna ynanýan aşyk.
Ekilen bolsadym bir güni ösüp,
Göklere ýol tutar, diňleri aşyp.

Özümi terbiýe edip bilmedim,
Belki terbiýeçim gömük bolandyr.
Meniň güýçlenmegme sözler günäkär,
Wagtynda göwnümi döwüp-gurandyr.

Öwgi sözlerine ynanmadym hiç,
Sebäp aýnadakyň kimdigin bilýän.
Myh dek kakylan ajy kelamam
Soguryp aldym,
Baksaň ýüregimde yzy görünýä.

Äsgerme bermedim iliň sözüne,
Ömrüňe öz sözüň bolmaly kanun.
Ýa-ha ile uýup "bagtly" ýaşarsyň
Ýa-da...
Öz-özüňe bolmaly zabun.

Aslymdan medenýet tapmadym yzlap,
Gödek sözler bilen başym bulaşyk.
Men sögünççe gürleýän ynsan,
Indi,
edepleşýär dilim
goşga çolaşyp...

Ynsan aşyk bolýar,
Ýüregniň barlygyn duýan mahaly.
Ruhumy boşatdym, gözlege çykdy,
Gara basanda jahany.

Ynsan aşyk bolýar,
Kapasdadygyny duýanda ýürek.
Gözlege çykamda ruhum boşady,
Agyr goş-golamlar nämäme gerek?

Men ýeňil sözleriň neşekeşidim,
Dilim çeýnäp ýörün humary tutsa.
Aşyklyk ynsany özgerdýär eken,
Maňa bal beriň,
Zähre öwürmerin bir güni gussam.

Men sözüň aşygy,
Sözüň gudratyna ynanýan aşyk.
Ekilen bolsadym bir güni ösüp,
Göklere ýol tutar, diňleri aşyp.

Edepli Gödek

Teswir ýazmak üçin Içeri giriň ýa-da Agza boluň →!