Täzeje
 Agzamen [off]
 02.12.2024 / 03:18

Dost tutundym dostsuzlygy, täkligi,
Gamlanmagy şärik etdim özüme.
Men asmany kagyz edip aldym-da,
Güni pozup, ýyldyz çekdim ýüzüne.

Ýykyndydan öz dünýämi döredip,
Hezil edip ýumrukladym, owratdym.
Suratyňda tapyp bilmän geljegim,
Ýakyp külün şemal bilen ugratdym.

Sen maňa hiç dözülmedik sowgatdyň...
Täleý seni menden gizledi ýördi.
Öz işine monça boldy, ýylgyrdy,
Ölen ruhuň niçik dem alşyn gördi.

Al eden-ä alym diyip sylandy,
Ýüregiňde geçren barlag işine.
Telbe aklym boýun alman ýeňlişi,
Gizdirip ýör seni gije düýşüme.

Düýşüme şeýle bir günäsiz girýäň,
Ynanýaryn oýanamda duşjagma.
Ýöne welin "siz" eýýämem begençli,
Garaşýaňyz çagajygyň buşlugna...

Ⓒ Edepli Gödek

Teswir ýazmak üçin Içeri giriň ýa-da Agza boluň →!