PeRMaN : Söýülmek umydy bilen söýmek ynsanlara mahsusdyr, emma garşylyksyz söýmek diňe enelere hem-de perişdelere mahsusdyr...

 Täzeje
 Anora [2m]
 04.12.2024 / 09:07

Bilýäňmi ikimiz şeýle erteki,
Bir bar soňam hemişelik ýok eken...
(Aşyr Hanow)

Täsin wakalara ýugrulan ykbal,
Seret bizi aýry ýola bölüpdir.
Gysga gelen bu ullakan bagtymyz,
Täsin erteki dek ýatda galypdyr.

Bu ertekiň gahrymany ikimiz,
Artykmaç keşipler döremän eken.
Seret biz şeýle bir täsin erteki,
Bir okasaň ýatda saklanýar eken.

Sahnalar bezelen gyzyl göz ýaşa,
Göz ýaşymyz suwaryp dur gülleri.
Ösgün däl asgyn däl adaty şemal,
Seret aýryp barýar mäkäm elleri.

Bir bar eken, hawa hawa henizem,
Ýaşaýarmyş şol ertekä ynanyp.
Asyl-a şol soňky duşuşykdan soň,
Gülmegide unudanmyş gynanyp.

Garaz durmuş synar eken her kesi,
Hasratly, gaýgyly, göz ýaşly az kem.
Bilýäňmi ? ikimiz şeýle erteki,
Bir bar soňam hemişelik ýok eken...

@Anora

Teswir ýazmak üçin Içeri giriň ýa-da Agza boluň →!