On sekiz manat hakynda elegiýa...

Özümiziňki
Hyyalbent [off]

13.12.2024 / 19:46

Enemiň hatyrasyna
Her aýda bir gezek—on sekiz manat,
Her aýda bir gezek gelýärdi yrman.
Her aýda on sekiz manat gelende,
Begenerdim. Enem aglardy, arman.

On sekiz manady kim berýär bize?
Kim unutman, otuz günden iberýär?
Ol niçiksi ýiti gözli perişde
Biziň şol pula-da zardygmyz görýär!?

Enem pahyr käte açýar ýüregni,
Diýýär ol: “Pullary iberýär kakaň”.
Men diýýärin: “Näme özi gelenok,
Bu ýerde ejesi hem ogly barka?”

“Geler” diýp, göz ýaşyn süpürýär enem.
“Geler, agtyjagym, geler ol hökman.
Ikimiz dükana gidermiz ýaly,
Ol daşda işleýär hiç ýere çykman”.

Garaşdym, garaşdym, dokuz ýaşadym,
On üç hem ýaşadym, kakam gelmedi.
On sekiz manady iberdi durdy,
Emma hütdügmize nazar salmady.

Asyl kakam ölen eken uruşda.
Men baky ýas tutdum bilenim üçin.
Döwlet berýär eken şojagaz pulam,
Frontçynyň ogly bolanym üçin.

Ýene garaşaryn,saçam agarar,
Ýöne indi bilýän, gelmez meň kakam.
On sekiz manady unutmaryn hiç,
Gursagymda ynsan ýüregi barkan.

Sebäbi on sekiz manat gelende,
Ýas bürenýär eken biziň köne tam.
Her aýda on sekiz manat gelýärdi, —
Her aýda bir gezek ölýärdi atam.

1961.
Atajan Tagan (Kyrk ýylda ýazylan kitap)

Täzeje
Saryyevv [off]
13.12.2024 / 22:41

+2

Ýazyjy çagalyk gözü bilen öňki döwürdäki durmuş kynçylyklaryny, enesiniň agyr ýagdaýyny we atasyz galan çaganyň ynjyk düşünjesini suratlandyrypdyr. "On sekiz manat" diňe bir kömek puly däl-de, kakanyň ýitgisini her gezek ýada salýan agyr bir zat hökmünde göz öňüne gelýär.

Soňky bent bolsa has duýguly we täsirli: "Her aýda bir gezek ölýärdi atam" diýip, kakasynyň ýadyna düşülýän pursatyň her gezek hasrat bilen utgaşýandygyny beýik usulda açyp görkezýär. Ýürekden ýazylan, içki täsirleri ýüze çykarýan, örän manyly goşgy!

Forum | UMUMY BÖLÜM | Şygyryýet dünýäsi

Klasdaş gyzlara

Kemsinmezmi çaga yürek?

Kemsinmezmi çaga yürek?

Kemsinmezmi çaga yürek?

Bolmaýanmyş.

Bolmaýanmyş.

Bolmaýanmyş.

Gyz haty..

Gyz haty..

23-nji fewral